ശബരിമല തീര്‍ത്ഥാടക സംഘത്തില്‍ നിന്ന് കൂട്ടംതെറ്റി യുവാവ്; തുണയായത് റാന്നി പൊലീസ്

പത്തനംതിട്ട: ആന്ധ്രാപ്രദേശില്‍ നിന്നെത്തിയ ശബരിമല തീര്‍ത്ഥാടക സംഘത്തില്‍ നിന്ന് കൂട്ടംതെറ്റിയ യുവാവിന് തുണയായി റാന്നി പൊലീസ്. വിജയവാഡയില്‍ നിന്നെത്തിയ 15 അംഗ തീര്‍ഥാടക സംഘത്തിലെ അംഗമായ മുന്‍ഡില്‍ ഹരിയാണ് പമ്പയില്‍ നിന്ന് കൂട്ടംതെറ്റി റാന്നിയിലെത്തിയത്. മാനസിക ബുദ്ധിമുട്ട് അനുഭവിക്കുന്ന തീര്‍ഥാടകനാണെന്ന് മനസിലാക്കിയ റാന്നി ജനമൈത്രി പൊലീസ്, ആവശ്യമായ വസ്ത്രങ്ങള്‍ വാങ്ങി നല്‍കുകയും അങ്ങാടി നാക്കോലിയ്ക്കല്‍ സീനിയര്‍ സിറ്റിസണ്‍ ഹോമില്‍ എത്തിച്ച് താമസവും ഭക്ഷണവും ക്രമീകരിക്കുകയും ചെയ്തു.