പടക്കമെറിഞ്ഞും മർദ്ദിച്ചും വിവാഹ സംഘത്തെ ആക്രമിച്ച സംഭവം; മൂന്ന് പ്രതികൾ പിടിയിൽ

കോഴിക്കോട്: കൊടുവള്ളിയിൽ‌ വിവാഹസംഘത്തെ ആക്രമിച്ച സംഭവത്തിൽ മൂന്ന് പ്രതികൾ പിടിയിൽ. വിവാഹ സംഘം സഞ്ചരിച്ച വാഹനത്തിന് നേരെ പടക്കം എറിയുകയും പുറത്തിറങ്ങിയവരെ ക്രൂരമായി മർദ്ദിക്കുകയും ചെയ്ത കൊളവയൽ അസീസ്, ആട് ഷമീർ, അജ്മൽ എന്നിവരാണ് പിടിയിലായത്. പോലീസ് പ്രതികളെ പിന്തുടർന്ന് സാഹസികമായാണ് പിടികൂടിയത്. ഇതിനിടെ മൂന്ന് പൊലീസുകാർ പരിക്കേറ്റു. ബസ് ഉരസിയതിനെ തുടർന്നുണ്ടായ തർക്കമാണ് ആക്രമണത്തിലേക്ക് നയിച്ചത്. കൊടുവള്ളി വെണ്ണക്കാടാണ് സംഭവമുണ്ടായത്. പ്രതികള്‍ക്കെതിരെ നിരവധി ക്രിമിനൽ കേസുകൾ നിലവിലുണ്ടെന്ന് പൊലീസ് വ്യക്തമാക്കി. ആക്രമിച്ച സംഘത്തിലെ ഒരാൾ കൂടി പിടിയിലാവാനുണ്ട്.