യുഎസ് ചുമത്തിയ പകരച്ചുങ്കത്തില്‍ പ്രതികരിച്ച് ഇന്ത്യ

ഡല്‍ഹി: അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് പ്രഖ്യാപിച്ച പകരച്ചുങ്കത്തില്‍ പ്രതികരണവുമായി ഇന്ത്യ. ഇന്ത്യയ്ക്ക് മേൽചുമത്തിയിട്ടുള്ള 26 ശതമാനം ഇറക്കുമതി തീരുവ രാജ്യത്തെ സംബന്ധിച്ച് തിരിച്ചടിയല്ലെന്നും കേന്ദ്ര വാണിജ്യ മന്ത്രാലയത്തെ ഉദ്ധരിച്ച് പി.ടി.ഐ.റിപ്പോര്‍ട്ട് ചെയ്തു.

യുഎസിന്റെ ഈ തീരുമാനം കൊണ്ട് നേട്ടങ്ങളും അതുപോലെ തന്നെ കോട്ടങ്ങളുമുണ്ടെന്നും റിപ്പോർട്ടുകളിൽ ഉണ്ട്.എല്ലാ രാജ്യങ്ങള്‍ക്കുമായി യുഎസ് ചുമത്തിയിട്ടുള്ള പത്ത് ശതമാനം തീരുവ ഏപ്രില്‍ അഞ്ചാം തീയതി മുതല്‍ ഈടാക്കി തുടങ്ങും. ശേഷിക്കുന്ന 16 ശതമാനം ഏപ്രില്‍ പത്ത് മുതലായിരിക്കും ഈടാക്കുകയെന്നാണ് വാണിജ്യ വകുപ്പ് ഉദ്യോഗസ്ഥര്‍ അറിയിച്ചിരിക്കുന്നത്.