പുണെയിൽ ട്രാവലറിന്‌ തീ പിടിച്ച്‌ നാല്‌ പേർക്ക് ദാരുണാന്ത്യം

മഹാരാഷ്‌ട്രയിലെ പുണെയിൽ ട്രാവലറിന്‌ തീ പിടിച്ച്‌ നാല്‌ പേർ മരിച്ചു. ഓഫീസിലേക്ക്‌ തൊഴിലാളികളെ കൊണ്ടുപോവുകയായിരുന്ന സ്വകാര്യ കമ്പനിയുടെ ട്രാവലറിനാണ്‌ തീ പിടിച്ചത്‌. 14 പേർ സഞ്ചരിച്ച ട്രാവലറാണ്‌ അഗ്‌നിക്കിരയായത്‌. നാല്‌ പേർ മരിച്ചപ്പോൾ 10 പേർക്ക്‌ കാര്യമായി പരിക്കേറ്റു. ഇതിൽ രണ്ട്‌ പേരുടെ നില ഗുരുതരമാണ്‌.

ഹിഞ്ചേവാഡി ഐടി പാർക്ക് ഏരിയയിൽ വച്ച്‌ രാവിലെ 7.30 ഓടെയാണ്‌ തീ പിടിത്തമുണ്ടായത്‌. സുഭാഷ് ഭോസാലെ, ശങ്കർ ഷിൻഡെ, ഗുരുദാസ് ലോകരെ, രാജു ചവാൻ എന്നിവർ മരിച്ചതെന്നാണ്‌ പ്രാഥമിക വിവരം.