വെൽക്കം ബാക്ക് ക്രൂ-9!!! ;സുനിത വില്യംസിന്റെയും സംഘത്തിന്റെയും മടങ്ങി വരവിൽ സന്തോഷം പങ്കുവച്ച് പ്രധാനമന്ത്രി

ലക്ഷ്യം നേടിയെടുക്കാനുള്ള ത്വരയും അതിരുകളില്ലാത്ത മനുഷ്യ ചൈതന്യവും ധീരതയും നാസയുടെ ദൗത്യസംഘാംഗങ്ങളിൽ ആവോളമുണ്ടെന്നും മോദി വിലയിരുത്തി. സുനിത വില്യംസും ഡ്രാഗൺ ക്രൂ-9 ബഹിരാകാശ യാത്രികരും സ്ഥിരോത്സാഹം എന്നത് എന്താണെന്ന് ഒരിക്കൽകൂടി നമുക്ക് തെളിയിച്ചു തന്നിരിക്കുന്നു. കടുത്ത വെല്ലുവിളികൾ അതിജീവിക്കാനുള്ള അവരുടെ അചഞ്ചലമായ നിശ്ചയദാർഢ്യം ലക്ഷക്കണക്കിന് ആളുകളെ എക്കാലത്തും പ്രചോദിപ്പിച്ചുകൊണ്ടേയിരിക്കും -മോദി എക്സിൽ കുറിച്ചു.