ധ്രുവ് വിക്രമിന്റെ സ്‌പോര്‍ട്‌സ് ഡ്രാമ ചിത്രം; ‘ബൈസണ്‍’ ഫസ്റ്റ് ലുക്ക് എത്തി

മാരി സെല്‍വരാജ് സംവിധാനം ചെയ്യുന്ന പുതിയ ചിത്രമാണ് ‘ബൈസണ്‍ കാലമാടന്‍’. ചിത്രത്തിന്റെ ഫസ്റ്റ് ലുക്ക് അണിയറപ്രവര്‍ത്തകര്‍ പുറത്തുവിട്ടു. പാ രഞ്ജിത്ത് നിര്‍മ്മിക്കുന്ന ചിത്രത്തില്‍ കേന്ദ്രകഥാപാത്രത്തെ അവതരിപ്പിക്കുന്നത് ധ്രുവ് വിക്രം ആണ്. ഒരു സ്‌പോര്‍ട്‌സ് ഡ്രാമ ചിത്രമാണ് ബൈസണ്‍ എന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ചിത്രത്തില്‍ രണ്ട് ലുക്കിലാണ് ധ്രുവ് വിക്രം എത്തുന്നതെന്ന സൂചനയാണ് പോസ്റ്റര്‍ നല്‍കുന്നത്.

തമിഴ്‌നാട്ടിലെ കബഡി താരമായ മാനത്തി ഗണേശന്റെ ജീവിതത്തെ ആസ്പദമാക്കിയാണ് ചിത്രം ഒരുങ്ങുന്നതെന്നാണ് റിപ്പോര്‍ട്ട്. രാജ്യത്തിന്റെ പരമോന്നത ബഹുമതികളില്‍ ഒന്നായ അര്‍ജുന അവാര്‍ഡ് സ്വന്തമാക്കിയ ആദ്യ കബഡി കളിക്കാരന്‍ കൂടിയാണ് മാനത്തി ഗണേശന്‍. അനുപമ പരമേശ്വരന്‍, ലാല്‍, കലൈയരസന്‍, രജിഷ വിജയന്‍ തുടങ്ങിയവരും അണിനിരക്കുന്നു. പാ രഞ്ജിത്തിന്റെ നീലം സ്റ്റുഡിയോസിനൊപ്പം അപ്ലോസ് എന്റര്‍ടൈന്‍മെന്റ്‌സും ചിത്രത്തിന്റെ നിര്‍മ്മാണത്തില്‍ പങ്കാളികളാകുന്നു. ചിത്രത്തിന് സംഗീതം നല്കുന്നത് നിവാസ് കെ പ്രസന്നയാണ്. ഏഴില്‍ അരസ് ആണ് ഛായാഗ്രഹണം. ആര്‍ട്ട് കുമാര്‍ ഗംഗപ്പന്‍, എഡിറ്റിങ് ശക്തികുമാര്‍. കോസ്റ്റ്യൂം ഏകന്‍ ഏകംബരം. ആക്ഷന്‍ ദിലീപ് സുബ്ബരായന്‍.