ഹോളിവുഡ് നടൻ ജീൻ ഹാക്മാനും ഭാര്യയും മരിച്ച നിലയിൽ

സാ​ൻ ഫ്രാ​ൻ​സി​സ്കോ: ഹോ​ളി​വു​ഡ് ന​ട​ൻ ജീ​ൻ ഹാക്മാ​നെ​യും (95) പി​യാ​നി​സ്റ്റാ​യ ഭാ​ര്യ ബെ​റ്റ്സി അ​ര​ക്കാ​വ​യെ​യും (64) മ​രി​ച്ച നി​ല​യി​ൽ ക​ണ്ടെ​ത്തി.ബു​ധ​നാ​ഴ്ച ഉ​ച്ച​യ്ക്ക് ന്യൂ​മെ​ക്സി​ക്കോ സം​സ്ഥാ​ന​ത്തെ സാ​ന്ത ഫേ ​ന​ഗ​ര​ത്തി​ലെ വ​സ​തി​യി​ലാ​ണു മൃ​ത​ദേ​ഹ​ങ്ങ​ൾ ക​ണ്ടെ​ത്തി​യ​തെ​ന്നു പോ​ലീ​സ് അ​റി​യി​ച്ചു. മ​ര​ണ​കാ​ര​ണം വ്യ​ക്ത​മ​ല്ല.

ഇ​വ​രു​ടെ നാ​യ​യു​ടെ ജ​ഡ​വും അ​ടു​ത്തു​ണ്ടാ​യി​രു​ന്നു. അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്നും പു​റ​ത്തു​നി​ന്നു​ള്ള ഇ​ട​പെ​ട​ൽ ഇ​ല്ലെ​ന്നാ​ണു പ്രാ​ഥ​മി​ക നി​ഗ​മ​ന​മെ​ന്നും പോ​ലീ​സ് അ​റി​യി​ച്ചു.

ര​ണ്ടു ത​വ​ണ ഓ​സ്ക​ർ പു​ര​സ്കാ​രം സ്വ​ന്ത​മാ​ക്കി​യ ഹാ​ക്മാ​ൻ ജ​നി​ച്ച​ത് ​ക​ലി​ഫോ​ർ​ണി​യ​യി​ലെ സാ​ൻ ബെ​ർ​ണാ​ർ​ഡി​നോ​യി​ലാ​ണ്. 16-ാം വ​യ​സി​ൽ പ്രാ​യം മ​റ​ച്ചു​വ​ച്ച് മ​റീ​ൻ കോ​റി​ൽ ചേ​ർ​ന്നു. നാ​ല​ര​വ​ർ​ഷ​ത്തെ സൈ​നി​കസേ​വ​ന​ത്തി​നു​ശേ​ഷം തി​രി​ച്ചെ​ത്തി ന്യൂ​യോ​ർ​ക്കി​ൽ ജേ​ർ​ണ​ലി​സം പ​ഠ​ന​വും ജോ​ലി​യു​മാ​യി ക​ഴി​യു​ന്ന​തി​നി​ടെ അ​ഭി​ന​യ​മോ​ഹ​വു​മാ​യി ക​ലി​ഫോ​ർ​ണി​യ​യി​ൽ തി​രി​ച്ചെ​ത്തു​ക​യാ​യി​രു​ന്നു. ആ​റു പ​തി​റ്റാ​ണ്ടു നീ​ണ്ട അ​ഭി​ന​യ​ജീ​വി​ത​ത്തി​നി​ടെ നൂ​റോ​ളം വേ​ഷ​ങ്ങ​ൾ അ​വ​ത​രി​പ്പി​ച്ചു.