പലരുടെയും കൈവശം എന്റെ നമ്പര്‍ ഉണ്ട്, പക്ഷേ അന്ന് എന്നെ വിളിച്ചത് ധോണി മാത്രം: തുറന്നുപറഞ്ഞ് കോഹ്ലി

ഇന്ത്യന്‍ ടീം ജഴ്‌സിയില്‍ നിന്ന് വിരമിച്ചെങ്കിലും ധോണിയുമായുളള സൗഹൃദം കോഹ്‌ലി ഇപ്പോഴും നിലനിര്‍ത്തുന്നുണ്ട്. ധോനിയുമായി നിരന്തരം ബന്ധം പുലര്‍ത്തുന്ന ക്രിക്കറ്റ് താരങ്ങളില്‍ ഒരാളാണ് വിരാട് കോഹ്‌ലി. 2022 ജനുവരിയില്‍ ദക്ഷിണാഫ്രിക്കന്‍ പര്യടനത്തിനിടെ ടെസ്റ്റ് ക്യാപ്റ്റന്‍ സ്ഥാനം ഒഴിഞ്ഞപ്പോള്‍ തനിക്കൊപ്പം മുന്‍പ് കളിച്ചിരുന്ന താരങ്ങളില്‍ ധോണി മാത്രമാണ് തന്നെ വിളിച്ചതെന്ന് കോഹ്‌ലി വെളിപ്പെടുത്തിയിരുന്നു.

‘ഞാന്‍ ടെസ്റ്റ് ക്യാപ്റ്റന്‍ സ്ഥാനം ഒഴിഞ്ഞപ്പോള്‍ എനിക്കൊപ്പം കളിച്ചവരില്‍ ഒരാളില്‍ നിന്ന് മാത്രമേ എനിക്ക് സന്ദേശം ലഭിച്ചുള്ളൂ; അത് എംഎസ് ധോണിയായിരുന്നു,’ കോഹ്‌ലി പറഞ്ഞു. ‘പലരുടെയും കൈവശം എന്റെ നമ്പര്‍ ഉണ്ട്. ടിവിയിലൂടെ പലരും ധാരാളം നിര്‍ദ്ദേശങ്ങള്‍ നല്‍കുന്നു, പക്ഷേ എന്റെ നമ്പര്‍ കൈവശമുള്ള ആരും എനിക്ക് സന്ദേശം അയച്ചില്ലെന്ന് കോഹ്‌ലി പറഞ്ഞു.

അതേസമയം ആളുകളുമായി ബന്ധം നിലനിര്‍ത്തുന്ന കാര്യത്തില്‍ താന്‍ അത്ര മികച്ച ആളല്ലെന്ന് ധോണി പറഞ്ഞിരുന്നു. ടെസ്റ്റ് നായകസ്ഥാനം ഒഴിഞ്ഞപ്പോള്‍ വിരാട് കോഹ്‌ലിക്ക് അയച്ച സന്ദേശത്തെ കുറിച്ച് ധോണി പറഞ്ഞു. ജിയോഹോട്സ്റ്റാര്‍ ഷോയിലാണ് ധോനി ഇക്കാര്യം വെളിപ്പെടുത്തിയത്.