നിയന്ത്രണ രേഖയിൽ നുഴഞ്ഞു കയറിയ ഭീകരരെ വധിച്ചു

ജമ്മു കശ്‌മീർ: നിയന്ത്രണ രേഖയിൽ നുഴഞ്ഞു കയറിയ ഭീകരരെ വധിച്ചു. ജമ്മു കശ്‌മീരിലെ പൂഞ്ച് ജില്ലയിൽ നിയന്ത്രണ രേഖയ്ക്ക് (എൽഒസി) കുറുകെ നുഴഞ്ഞുകയറാൻ ശ്രമിച്ച രണ്ട് ഭീകരരെയാണ് സുരക്ഷാസേന വധിച്ചത്.

പൂഞ്ച് ജില്ലയിലെ ഖാരി കർമ്മാ പ്രദേശത്താണ് ആയുധധാരികളായ ഭീകരർ നുഴഞ്ഞു കയറാൻ ശ്രമിച്ചത്‌. സുരക്ഷാസേന ഇന്നലെ രാത്രിയാണ് ഭീകരരുടെ നുഴഞ്ഞുകയറ്റ നീക്കം കണ്ടെത്തിയത്. തുടർന്ന്‌ രാത്രിയോടെ തന്നെ ആരംഭിച്ച ഓപ്പറേഷനിൽ രണ്ട് ഭീകരരെയും വധിച്ചതായി സൈന്യം അറിയിച്ചു. ഇതുവരെ പ്രദേശത്ത് നടത്തിയ തിരച്ചിലിൽ നിരവധി ആയുധങ്ങൾ കണ്ടെത്തിയതായി സൈന്യം വ്യക്തമാക്കി.