നവകേരള സംഘർഷം : കാട്ടാക്കടയില്‍ സംഘര്‍ഷം

കാട്ടാക്കടയില്‍ സംഘര്‍ഷം. നവകേരള ബസ് കടന്ന് പോകുന്നതിനിടെ ആണ് സംഭവം. മുഖ്യമന്ത്രി കാട്ടാക്കട മണ്ഡലത്തിൽ നിന്ന് അരുവിക്കരയിലേക്ക് പോകുകയായിരുന്നു. യൂത്ത് കോണ്‍ഗ്രസ് പ്രവര്‍ത്തകര്‍ മുഖ്യമന്ത്രിയുടെ വാഹനത്തിന് മുന്നിലേക്ക് ചാടിയാണ് പ്രതിഷേധിച്ചത്. നവകേരള ബസ് എത്തിയപ്പോള്‍ കടകളിൽ ഒളിച്ചിരുന്ന ഇരുപത്തഞ്ചോളം വരുന്ന യൂത്ത് കോണ്‍ഗ്രസ് പ്രവര്‍ത്തകര്‍ വാഹനത്തിന് മുന്നിലേക്ക് ചാടുകയായിരുന്നു.

പ്രതിഷേധക്കാരെ പൊലീസും ഡിവൈഎഫ്ഐ പ്രവര്‍ത്തകരും മര്‍ദ്ദിച്ചു. പ്രതിഷേധം ചെറുക്കാൻ സുരക്ഷാ ഉദ്യോഗസ്ഥരും ശ്രമിച്ചു..അതേസമയം തലസ്ഥാനത്ത് നവകേരള സദസ് അവസാനഘട്ടത്തിലെത്തുമ്പോൾ വ്യാപക സംഘർഷമാണ് അരങ്ങേറുന്നത്. ആറ്റിങ്ങലിൽ ഇന്നലെ ഉണ്ടായിരുന്ന പ്രതിഷേധത്തിന് ശേഷം ഡിവൈഎഫ്ഐക്കാർ യൂത്ത് കോണ്‍ഗ്രസ് പ്രവ‍ർത്തകൻ സുഹൈലിന്‍റെ വീടും വാഹനവും തകർത്തു. ആറ്റിങ്ങൽ നഗരസഭ സ്റ്റാൻറിംഗ് കമ്മിറ്റി ചെയ‍ർമാൻ നജാമിന്‍റെയും വീട് തകർത്തു