കുനോ നാഷണൽ പാർക്കിൽ മൂന്ന് ചീറ്റക്കുഞ്ഞുങ്ങൾക്ക് ജന്മം നൽകി ആശ

ഡൽഹി: കുനോ നാഷണൽ പാർക്കിലെ ചീറ്റകളിലൊന്നായ ആശ മൂന്ന് കുഞ്ഞുങ്ങൾക്ക് ജന്മം നൽകി. കേന്ദ്ര പരിസ്ഥിതി മന്ത്രി ഭൂപേന്ദർ യാദവ് മൂന്ന് ചീറ്റക്കുഞ്ഞുങ്ങളുടെ വീഡിയോയും ഫോട്ടോയും സാമൂഹ്യമാധ്യമമായ എക്‌സിൽ പങ്കുവച്ചു. ‘പ്രൊജക്ട് ചീറ്റ’യുടെ വിജയമാണിതെന്നും അദ്ദേഹം പറഞ്ഞു. ഇതിനുമുമ്പ് 2023 മാർച്ചിൽ സിയായ എന്ന ചീറ്റ നാല് കുഞ്ഞുങ്ങൾക്ക് ജന്മം നൽകിയിരുന്നു. എന്നാൽ അവയിൽ ഒരെണ്ണം മാത്രമാണ് രക്ഷപ്പെട്ടത്.