കുട്ടംപുഴയില്‍ വനത്തില്‍ കണാതായ മൂന്ന് സ്ത്രീകളെയും കണ്ടെത്തി

കോ​ത​മം​ഗ​ലം: വനത്തില്‍ മേയാന്‍വിട്ട പശുവിനെ അന്വേഷിച്ചുപോയ മൂന്ന് സ്ത്രീകളെയും കണ്ടെത്തി. വനത്തില്‍ ആറ് കിലോമീറ്റര്‍ ഉള്ളിലായി അറക്കമുത്തി എന്ന പ്രദേശത്തു നിന്നാണ് അന്വേഷണ സംഘം സ്ത്രീകളെ കണ്ടെത്തിയത്. വനത്തിൽ കുടുങ്ങി 14 മണിക്കൂർ കഴിഞ്ഞാണ് ഇവരെ കണ്ടെത്തുന്നത്.

സ്ത്രീകൾക്ക് ആരോഗ്യപ്രശ്‌നങ്ങൾ ഇല്ല.കഴിഞ്ഞ ദിവസമാണ് വനത്തില്‍ മേയാന്‍ വിട്ട പശുവിനെ അന്വേഷിച്ച് ഈ സ്ത്രീകള്‍ വനത്തിലേക്ക് പോയത്. പാ​റു​ക്കു​ട്ടി, മാ​യ, ഡാ​ർ​ലി സ്റ്റീ​ഫ​ൻ എ​ന്നി​വ​രെ​യാ​ണ് കാ​ണാ​താ​യ​ത്.ആനയെ കണ്ട് ഭയന്നോടിയതോടെ ഇവര്‍ കൂട്ടംതെറ്റുകയുമായിരുന്നു.

കാട്ടാനക്കൂട്ടം ഉണ്ടായിരുന്നതിനായി അറക്കമുത്തിയിൽ പാറക്കൂട്ടങ്ങൾക്ക് മുകളിലാണ് ഇവർ തങ്ങിയിരുന്നതെന്ന് തിരച്ചിൽ നടത്തിയ സംഘത്തിലെ സാബു പറഞ്ഞു. ആനയെ ഒഴിവാക്കാനായി വഴിമാറി പോയതാണ് വഴി തെറ്റാനിടയാക്കിയതെന്ന് സാബു പറഞ്ഞു. ഫോണിൽ ചാർജ് ഇല്ലാതായതാണ് ഇവരുമായി ബന്ധപ്പെടാൻ സാധിക്കാതെ വന്നത്.