ആനിക്കാട് സർവീസ് സഹകരണ ബാങ്ക് തിരഞ്ഞെടുപ്പിൽ മുഴുവൻ സീറ്റിലും ഉജ്വല വിജയം നേടി യുഡിഎഫ്

ആനിക്കാട് സർവീസ് സഹകരണ ബാങ്ക് തിരഞ്ഞെടുപ്പിൽ മുഴുവൻ സീറ്റിലും ഉജ്വലവിജയം നേടി യു ഡി എഫ് . ബാങ്ക് പ്രസിഡന്റ് കെ പി ഫിലിപ്പിനെയും വൈസ് പ്രസിഡന്റ് റ്റി ജി മാത്യുവിനെയും ഡയറക്ടർ ബോർഡ് അംഗങ്ങളെയും അനുമോദിച്ചുള്ള സമ്മേളനം യു ഡി എഫ് ജില്ലാ ചെയർമാൻ അഡ്വ വർഗീസ് മാമ്മൻ ഉത്ഘാടനം ചെയ്തു. യു ഡി എഫ് മണ്ഡലം ചെയർമാൻ തോമസ് മാത്യു അധ്യക്ഷത വഹിച്ചു. കേരള കോൺഗ്രസ്‌ സിനിയർ ജനറൽ സെക്രട്ടറി കുഞ്ഞു കോശിപോൾ, റെജി തോമസ്, ഡിസിസി ജനറൽ സെക്രട്ടറി കോശി പി സക്കറിയ, കോൺഗ്രസ്‌ ബ്ലോക്ക് പ്രസിഡന്റ്‌ എബി മേക്കരിങ്ങാട്ട്, ഡിസിസി എക്സിക്യൂട്ടീവ് അംഗം പി റ്റി എബ്രഹാം, കോൺഗ്രസ്‌ മണ്ഡലം പ്രസിഡന്റ്‌ ലിൻസൺ പാറോലിക്കൽ, മുസ്ലിംലീഗ് ജില്ലാ ട്രഷറർ എം എബെഷീർകുട്ടി പഞ്ചായത്ത്‌ പ്രസിഡന്റ്‌ സൂസൻ ഡാനിയേൽ എന്നിവർ പരിപാടിയിൽ പങ്കെടുത്തു.