കെല്‍ട്രോണില്‍ അഡ്വാന്‍സ്ഡ് ജേർണലിസം ആന്റ് മീഡിയ സ്ട്രാറ്റജി പഠിക്കാം

കാസർഗോഡ് : കെല്‍ട്രോണ്‍ പോസ്റ്റ് ഗ്രാജുവേറ്റ് ഡിപ്ലോമ ഇന്‍ അഡ്വാന്‍സ്ഡ് ജേർണലിസം ആന്‍ഡ് മീഡിയ സ്ട്രാറ്റജീസ് കോഴ്‌സിലേക്ക് പ്രവേശനം പ്രഖ്യാപിച്ചു.

പ്രിന്റ്, ടെലിവിഷന്‍, ഡിജിറ്റല്‍ മീഡിയ, ആര്‍ട്ടിഫിഷ്യല്‍ ഇന്റലിജിന്‍സ് തുടങ്ങിയവയില്‍ അധിഷ്ഠിതമായ ജേണലിസം പരിശീലനം, ആങ്കറിങ്ങ്, വാര്‍ത്താവതരണം, വാര്‍ത്താറിപ്പോര്‍ട്ടിങ്, എഡിറ്റോറിയല്‍ പ്രാക്ടീസ് പി. ആര്‍, അഡ്വെര്‍ടൈസിങ്, വീഡിയോഗ്രഫി, വീഡിയോ എഡിറ്റിംഗ് തുടങ്ങിയവയില്‍ പരിശീലനം ഒരുക്കിയാണ് കോഴ്‌സ് രൂപകല്‍പന ചെയ്തിട്ടുള്ളത്.

വിവിധ മാധ്യമ സ്ഥാപനങ്ങളില്‍ പരിശീലനം, ഇന്റേണ്‍ഷിപ്പ്, പ്ലേസ്‌മെന്റ് സപ്പോര്‍ട്ട് എന്നിവക്കുള്ള അവസരം കോഴ്‌സിന്റെ ഭാഗമായി വിദ്യാര്‍ത്ഥികള്‍ക്ക് ലഭിക്കും. ഏതെങ്കിലും വിഷയത്തില്‍ ഡിഗ്രി പൂര്‍ത്തിയാക്കിയവര്‍ക്ക് കോഴ്‌സിന് അപേക്ഷിക്കാം.

പ്രായപരിധി ഇല്ല. തിരുവനന്തപുരം, കോഴിക്കോട് ജില്ലകളിലെ കേന്ദ്രങ്ങളില്‍ ആണ് ക്ലാസുകള്‍ നടക്കുന്നത്. നവംബര്‍ 18 വരെ അപേക്ഷിക്കാം. കൂടുതല്‍ വിവരങ്ങള്‍ക്ക് ഫോണ്‍- 9544958182,കോഴിക്കോട്:- 0495 2301772, തിരുവനന്തപുരം- 0471 2325154.