സംസ്ഥാന ശാസ്ത്രമേള; വൊക്കേഷണല്‍ എക്‌സ്‌പോയ്ക്ക് 84 സ്‌ക്കൂളുകള്‍

ആലപ്പുഴ: നവംബര്‍ 15 മുതല്‍ 17 വരെ ആലപ്പുഴയില്‍ നടക്കുന്ന സംസ്ഥാന ശാസ്ത്രമേളയുടെ ഭാഗമായി സംസ്ഥാന വൊക്കേഷണല്‍ എക്‌സ്‌പോയുടെ അവലോകനയോഗം ആലപ്പുഴ ഗവ: ഗേള്‍സ് ഹൈസ്‌ക്കൂളില്‍ നടന്നു.

ഏഴു റീജിയണുകളില്‍ നിന്നായി എത്തുന്ന 84 സ്‌ക്കൂളുകളാണ് എക്‌സ്‌പോയില്‍ പങ്കെടുക്കുന്നത്. എക്‌സ്‌പോക്ക് ആവശ്യമായ സ്റ്റാളുകളുടെയും അനുബന്ധക്രമീകരണങ്ങളും വിലയിരുത്തി.

ആലപ്പുഴ നഗരസഭ ആരോഗ്യസ്റ്റാന്റിംഗ് കമ്മറ്റി അദ്ധ്യക്ഷ എ. എസ്. കവിത അദ്ധ്യക്ഷത വഹിച്ചു. ആലപ്പുഴ ജില്ലാ പഞ്ചായത്തംഗവും എക്‌സ്‌പോ കമ്മറ്റി ചെയര്‍മാനുമായ അഡ്വ. എ. റിയാസ് ഉദ്ഘാടനം ചെയ്തു. വി.എച്ച്.എസ്.ഇ. അസിസ്റ്റന്റ് ഡയറക്ടര്‍ പി. ഷാലി ജോണ്‍, മുന്‍സിപ്പല്‍ കൗണ്‍സിലര്‍ ശ്രീലേഖ, വിവിധ കമ്മറ്റി കണ്‍വീനര്‍മാരായ അനൂപ്, എന്‍.പി. ഉഷാകുമാരി, അനില്‍കുമാര്‍. എസ് എന്നിവര്‍ സംസാരിച്ചു.