സ്വകാര്യ ബസ്സുകൾ കൂട്ടിയിടിച്ച് അപകടം; 20 ലേറെ പേർക്ക് പരിക്കേറ്റു; ബസ് ഡ്രൈവർമാരുടെ നില ഗുരുതരം

കോഴിക്കോട്: രണ്ട് സ്വകാര്യ ബസ്സുകൾ തമ്മിൽ കൂട്ടിയിടിച്ച് അപകടം. അത്തോളി റോഡിൽ കോളിയോട് താഴത്ത് ആണ് സംഭവം. കുറ്റ്യാടി നിന്നും കോഴിക്കോട്ടേക്ക് പോവുകയായിരുന്ന സ്വകാര്യ ബസും പേരാമ്പ്ര ഭാഗത്ത് നിന്നും കോഴിക്കോട്ടേക്ക് പോവുകയായിരുന്ന സ്വകാര്യ ബസുമാണ് കൂട്ടിയിടിച്ചത്. ബസുകള്‍ നേര്‍ക്ക് നേരെ കൂട്ടിയിടിക്കുകയായിരുന്നു.

അപകടത്തില്‍ 20 ലേറെ പേർക്ക് പരിക്കേറ്റു. പരുക്കേറ്റവരെ മലബാർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ബസ് ഡ്രൈവർമാരുടെ നില ഗുരുതരമാണ്.