ഡോക്ടര്‍ദമ്പതികളിൽനിന്ന്​ 7.5 കോടി തട്ടിയ കേസിൽ രാജസ്ഥാൻ സ്വദേശി പിടിയിൽ

ചേ​ര്‍ത്ത​ല:രാ​ജ​സ്ഥാ​ന്‍ പാ​ലി സ്വ​ദേ​ശി നി​​ര്‍മ​ല്‍ ജ​യി​നി​നെ​യാ​ണ് (22) ജി​ല്ല ക്രൈം​ബ്രാ​ഞ്ച് രാ​ജ​സ്ഥാ​നി​ലെ ജോ​ജോ​വാ​റി​ല്‍നി​ന്ന്​ പി​ടി​കൂ​ടി​യ​ത്. ചേ​ർ​ത്ത​ല​യി​ലെ ഡോ​ക്ട​ര്‍ ദ​മ്പ​തി​ക​ളി​ൽ​നി​ന്ന്​ ഓ​ണ്‍ലൈ​നി​ലൂ​ടെ 7.5 കോ​ടി രൂ​പ ത​ട്ടി​യ സം​ഘ​ത്തി​ലെ പ്ര​ധാ​ന പ്ര​തി​ക​ളി​ലൊ​രാ​ലാണ് പി​ടി​യി​ല്‍. ഓ​ണ്‍ലൈ​ന്‍ ത​ട്ടി​പ്പ്​ ന​ടത്തു​ന്ന ചൈ​നീ​സ് ക​മ്പ​നി​യു​മാ​യി നേ​രി​ട്ട്​ ബ​ന്ധ​മു​ള്ള ഇ​ന്ത്യ​യി​ലെ മു​ഖ്യ​ക​ണ്ണി​ക​ളി​ലൊ​രാ​ളാ​ണ് നി​ര്‍മ​ല്‍ ജ​യി​ന്‍.2022 മു​ത​ല്‍ നി​ര്‍മ​ല്‍ ജ​യി​ന്‍ ഓ​ണ്‍ലൈ​ന്‍ ത​ട്ടി​പ്പ്​ ന​ട​ത്തി​ക്കൊ​ണ്ടി​രി​ക്കു​ക​യാ​ണ്. ആ​ദ്യ​മാ​യാ​ണ്​ പി​ടി​യി​ലാ​കു​ന്ന​തെ​ന്ന് ക്രൈം​ബ്രാ​ഞ്ച് അ​റി​യി​ച്ചു. ഇ​യാ​ള്‍ക്ക്​ പ​ത്തോ​ളം ബാ​ങ്കു​ക​ളി​ല്‍ അ​ക്കൗ​ണ്ടു​ക​ളും ക്രി​പ്‌​റ്റോ വാ​ല​റ്റു​ക​ളും ഉ​ള്ള​താ​യും ക​ണ്ടെ​ത്തി​യി​ട്ടു​ണ്ട്. ബാ​ങ്കു​ക​ളു​ടെപേ​രി​ല്‍ നി​ര്‍മ​ൽ നി​ര​വ​ധി വ്യാ​ജ ഇ-​മെ​യി​ല്‍ ഐ.​ഡി​ക​ള്‍ ഉ​ണ്ടാ​ക്കി​യ​താ​യും തെ​ളി​ഞ്ഞു. അ​റ​സ്റ്റ് കേ​സ​ന്വേ​ഷ​ണ​ത്തി​ല്‍ നി​ര്‍ണാ​യ​ക​മാ​കു​മെ​ന്നാ​ണ് വി​ല​യി​രു​ത്ത​ല്‍.ജി​ല്ല ക്രൈം​ബ്രാ​ഞ്ച് ഡി​വൈ.​എ​സ്.​പി എ. ​സു​നി​ല്‍രാ​ജി​ന്റെ നേ​തൃ​ത്വ​ത്തി​ല്‍ പ്ര​ത്യേ​ക അ​ന്വേ​ഷ​ണ സം​ഘാം​ഗ​ങ്ങ​ളാ​യ എ​സ്.​ഐ​മാ​രാ​യ ടി.​ഡി. നെ​വി​ന്‍, മോ​ഹ​ന്‍കു​മാ​ര്‍, എ.​എ​സ്.​ഐ വി.​വി. വി​നോ​ദ്, സി.​പി.​ഒ​മാ​രാ​യ ര​ഞ്ജി​ത്ത്, സി​ദ്ദീ​ഖു​ല്‍ അ​ക്ബ​ര്‍ എ​ന്നി​വ​ര്‍ ദി​വ​സ​ങ്ങ​ളോ​ളം രാ​ജ​സ്ഥാ​നി​ലെ വി​വി​ധ പ്ര​ദേ​ശ​ങ്ങ​ളി​ല്‍ ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് പാ​ലി ജി​ല്ല​യി​ലെ ജോ​ജോ​വാ​ര്‍ എ​ന്ന സ്ഥ​ല​ത്തെ ഒ​ളി​സ​ങ്കേ​ത​ത്തി​ല്‍നി​ന്ന്​ ഇ​യാ​ളെ പി​ടി​കൂ​ടി​യ​ത്.ജൂ​ണി​ലാ​ണ് ഓ​ഹ​രി​വി​പ​ണി​യി​ല്‍ കൂ​ടു​ത​ല്‍ തു​ക വാ​ഗ്ദാ​നം ചെ​യ്ത് സം​ഘം പ​ണം ത​ട്ടി​യ​ത്. സം​സ്ഥാ​ന​ത്തു​ത​ന്നെ തു​ക​യു​ടെ ക​ണ​ക്കി​ല്‍ ഏ​റ്റ​വും വ​ലി​യ ഓ​ണ്‍ലൈ​ന്‍ ത​ട്ടി​പ്പാ​യാ​ണ് ഇ​ത്​ ക​ണ​ക്കാ​ക്കു​ന്ന​ത്. ജി​ല്ല പൊ​ലീ​സ് മേ​ധാ​വി എം.​പി. മോ​ഹ​ന​ച​ന്ദ്ര​ന്റ മേ​ല്‍നോ​ട്ട​ത്തി​ല്‍ ജി​ല്ല ക്രൈം​ബ്രാ​ഞ്ചി​ലെ എ​സ്.​ഐ​മാ​രാ​യ അ​ഗ​സ്റ്റ്യ​ന്‍ വ​ർ​ഗീ​സ്, സ​ജി കു​മാ​ര്‍ (സൈ​ബ​ര്‍ സെ​ല്‍), സു​ധീ​ര്‍ എ., ​എ​സ്.​സി.​പി.​ഒ ബൈ​ജു മോ​ന്‍, സി.​പി.​ഒ ആ​ന്റ​ണി ജോ​സ​ഫ് എ​ന്നി​വ​രു​ള്‍പ്പെ​ടു​ന്ന സം​ഘ​മാ​ണ്‌ കേ​സ് അ​ന്വേ​ഷി​ക്കു​ന്നത്.