രണ്ടാം ടെസ്റ്റിനുള്ള ഇന്ത്യൻ ടീമില്‍ രോഹിത് വരുത്തേണ്ടത് ഒരേയൊരു മാറ്റം, തുറന്നു പറഞ്ഞ് ഇര്‍ഫാന്‍ പത്താന്‍

അശ്വിന്‍ ആദ്യ ടെസ്റ്റില്‍ നന്നായി പന്തെറിഞ്ഞെങ്കിലും ഇന്ത്യ മിസ് ചെയ്തത് രവീന്ദ്ര ജഡേജയുടെ നിയന്ത്രണത്തോടെയുള്ള ബൗളിംഗും ഏഴാം നമ്പറിലെ ബാറ്റിംഗുമാണ്. അതുകൊണ്ടുതന്നെ രണ്ടാം ടെസ്റ്റില്‍ അശ്വിന് പകരം ജഡേജ പ്ലേയിംഗ് ഇലവനിലെത്തണം. ഞാനായിരുന്നു രോഹിത് ശര്‍മയെങ്കില്‍ രണ്ടാം ടെസ്റ്റില്‍ ബൗളിംഗ് നിരയില്‍ മാറ്റമൊന്നും വരുത്തില്ല. അരങ്ങേറ്റ ടെസ്റ്റില്‍ നിറം മങ്ങിയെങ്കിലും പ്രസിദ്ധ് കൃഷ്ണ ശക്തമായി തിരിച്ചുവരുമെന്നാണ് ഞാന്‍ കരുതുന്നത്. ഇനി മാറ്റം വേണമെങ്കില്‍ പ്രസിദ്ധിന് പകരം മുകേഷ് കുമാറിനെ പ്ലേയിംഗ് ഇലവനില്‍ കളിപ്പിക്കാവുന്നതാണെന്നും ഇര്‍ഫാന്‍ പത്താന്‍ പറഞ്ഞു.

ആദ്യ മത്സരത്തില്‍ നിറം മങ്ങിയ പ്രസിദ്ധ് കൃഷ്ണ 92 റണ്‍സ് വഴങ്ങി ഒരേയൊരു വിക്കറ്റ് മാത്രമാണ് നേടിയത്. മുഹമ്മദ് ഷമിയുടെ അഭാവത്തിലാമ് പ്രസിദ്ധിന് പ്ലേയിംഗ് ഇലവനില്‍ അവസരം ലഭിച്ചത്