പുഴയില്‍ കുളിക്കാനിറങ്ങിയ രണ്ട് പെണ്‍കുട്ടികള്‍ മുങ്ങിമരിച്ചു

പറവൂര്‍ : പുഴയില്‍ കുളിക്കാനിറങ്ങിയ രണ്ട് പെണ്‍കുട്ടികള്‍ മുങ്ങിമരിച്ചു.വടക്കന്‍ പറവൂരില്‍ പുഴയില്‍ കുളിക്കാനിറങ്ങിയ രണ്ടു പെണ്‍കുട്ടികള്‍ മുങ്ങിമരിക്കുകയായിരുന്നു . അപകടത്തിൽ ജ്വാലാലക്ഷ്മി, മേഘ എന്നിവരാണ് മരിച്ചത്. രാവിലെ പത്തുമണിക്ക് വടക്കന്‍ പറവൂര്‍ കോഴിത്തുരുത്തില്‍ ചാലക്കുടി പുഴയിലായിരുന്നു അപകടം സംഭവിച്ചത് .

ഞായറാഴ്ച രാവിലെ ബന്ധുക്കളായ അഞ്ച് പെണ്‍കുട്ടികളാണ് പുഴയില്‍ കുളിക്കാനിറങ്ങിയത്. ഇവരില്‍ മൂന്നുപേരായിരുന്നു ഒഴുക്കില്‍പ്പെട്ടത്. ആ സമയത്ത് ഇതിലൊരാള്‍ നീന്തി കരയ്ക്കുകയറിയതിനാൽ രക്ഷപെട്ടു . ബാക്കിയുള്ളവരെ മറ്റുള്ളവരെ നാട്ടുകാരും അഗ്നിരക്ഷാസേനാംഗങ്ങളും ചേർന്നാണ് കണ്ടെത്തിയത്. ഇവരെ കരയ്‌ക്കെത്തിച്ച് ഉടൻ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല .