വിനോദസഞ്ചാരി ഫോട്ടോക്ക് പോസ് ചെയ്യാൻ ശ്രമിച്ചു , തട്ടിമാറ്റി ബ്രിട്ടീഷ് കൊട്ടാരത്തിലെ കുതിര, വീഡിയോ വൈറലായി

ഫോട്ടോക്ക് പോസ് ചെയ്യാൻ നോക്കിയ വിനോദസഞ്ചാരിയായ യുവതിയെ ബ്രിട്ടീഷ് കുതിരപ്പട്ടാളത്തിലെ കുതിര തട്ടിമാറ്റിയ . വീഡിയോ സോഷ്യൽ മീഡിയയിൽ ഇപ്പോൾ വൈറലാവുകയാണ്. ചിത്രം എടുക്കുന്നതിന് വേണ്ടി കുതിരയുടെ അരികിൽ പോസ് ചെയ്യുന്നതിനിടെ യുവതി അതിനെ സ്പർശിച്ചു.അപ്പോൾ കുതിര സ്ത്രീയെ തട്ടിമാറ്റുകയായിരുന്നു. പിന്നീട് കുതിര തല കൊണ്ട് ഇടിച്ചത് യുവതിയുടെ നെഞ്ചിലാണ്. എവിടെ ‘സൂക്ഷിക്കുക! കുതിരകൾ ചവിട്ടുകയോ കടിക്കുകയോ ചെയ്യാം’ എന്ന സന്ദർശകർക്കുള്ള മുന്നറിയിപ്പ് ബോർഡും സമീപത്തായി സ്ഥാപിച്ചിട്ടുണ്ട് .

ലണ്ടനിലെ ഹോഴ്സ് ഗാർഡ് പരേഡ് നടക്കുന്ന സ്ഥലത്തിന് പുറത്തായി കാവൽ നിൽക്കുന്ന കുതിരയാണിത്. കുതിരയുടെ മുകളിൽ കാവൽക്കാരൻ ഉള്ളപ്പോഴാണ് യുവതിയെ ചവിട്ടിയത് . ആചാര പ്രകാരമുള്ള ചുമതലകൾ കൊണ്ടും വ്യത്യസ്തമായ യൂണിഫോമുകൾ കൊണ്ടും പ്രശസ്തമാണ് ബ്രിട്ടണിലെ കിംഗ്സ് ഗാർഡ്. അതിനാൽ ഇവർ പൊതുജനങ്ങളുമായി ഇടപഴകുന്നതിൽ നിന്ന് അൽപ്പം വിട്ടുനിൽക്കും. കിംഗ്സ് ഗാർഡിന്‍റെ ഭാഗമാണ് ഹൗസ്ഹോൾഡ് കുതിരപ്പട.