വമ്പൻ ട്വിസ്റ്റ്; ഭർത്താവിനെ കണ്ടെത്താൻ സഹായം തേടി യുവതി, 24 മണിക്കൂറിനുള്ളിൽ കണ്ടെത്തി സോഷ്യൽമീഡിയ

ഒരടയാളം പോലും ബാക്കിവയ്ക്കാതെ മുങ്ങിയ ഭർത്താവിനെ കണ്ടെത്താൻ ഫേസ്‍ബുക്കിന്റെ സഹായം തേടി യുവതി. പിന്നെ സംഭവിച്ചത് ട്വിസ്റ്റ്.
യുഎസ്സിലെ മസാച്യുസെറ്റ്സിൽ നിന്നുള്ള യുവതിയാണ് ഏറെക്കാലമായി തന്നെയും മക്കളെയും ഉപേക്ഷിച്ച് ഷെഫായ ഭർത്താവ് മുങ്ങിയിരിക്കുകയാണ് എന്നും കണ്ടെത്താൻ സഹായിക്കണം എന്നും പറഞ്ഞ് സോഷ്യൽ മീഡിയയുടെ സഹായം അഭ്യർത്ഥിച്ചത്.

യുവതിയുടെ പോസ്റ്റിൽ പറയുന്നത് പ്രകാരം അവർ രണ്ടാമത്തെ കുഞ്ഞിനെ ​ഗർഭം ധരിച്ചിരുന്ന കാലത്താണ് ആ കുഞ്ഞിനെ ഒന്ന് കാണാൻ പോലും കാത്തുനിൽക്കാതെ ഭർത്താവ് അവരേയും ഉപേക്ഷിച്ച് മുങ്ങിയത്. പിന്നാലെ തന്നെ ഇയാൾ തന്റെ നമ്പറടക്കം മാറ്റി. യുവതി കുഞ്ഞിന് ജന്മം നൽകി. എന്നാൽ, അപ്പോഴും ഭർത്താവ് അവരെ അന്വേഷിക്കുകയോ തിരികെ വരികയോ ചെയ്തില്ല. ഇയാൾ എവിടെയാണ് എന്നതിനെ കുറിച്ച് യുവതിക്ക് യാതൊരു സൂചനയും ഉണ്ടായിരുന്നില്ല.

അങ്ങനെയാണ് യുവതി സോഷ്യൽ മീഡിയയിൽ ഇയാളെ കണ്ടെത്താൻ സഹായിക്കണം എന്ന് അഭ്യർത്ഥിച്ചത്. ചാൾസ് വിതേഴ്സ് എന്നാണ് യുവതിയുടെ ഭർത്താവിന്റെ പേര്. ആഷ്ലി മക്ഗുയർ ആണ് ഫേസ്ബുക്കിൽ പോസ്റ്റിട്ടത്. തന്റെ ഭർത്താവ് ഒരു വർഷമായി മൂത്ത മകളെ കണ്ടിട്ടില്ല എന്നും, ഇളയ മകളെ ഒരിക്കലും കണ്ടിട്ടേ ഇല്ല എന്നും അവർ പറയുന്നു.

എന്തായാലും, യുവതിക്ക് അയാളിൽ ഇനി പ്രതീക്ഷയൊന്നും ഇല്ല. പക്ഷേ, വിവാഹമോചനം നേടിയിരുന്നു എങ്കിൽ തനിക്ക് തന്റെ ജീവിതം ജീവിക്കാമായിരുന്നു എന്നാണ് അവർ പറയുന്നത്. അയാളെ കണ്ടെത്താനാവാത്തതുകൊണ്ട് വിവാഹമോചനം നടക്കുന്നില്ല. അതിനുള്ള ഒപ്പുകൾ ഇട്ടാൽ മാത്രം മതി എന്നാണ് യുവതി പറയുന്നത്.