നടി മീരാ ജാസ്‍മിന്റെ പിതാവ് അന്തരിച്ചു

കൊച്ചി: നടി മീരാ ജാസ്‍മിന്റെ പിതാവ് ജോസഫ് ഫിലിപ്പ് അന്തരിച്ചു. വാര്‍ദ്ധക്യ സഹജമായ അസുഖമാണ് മരണകാരണം. 83 വയസ്സായിരുന്നു. ഭാര്യ ഏലിയാമ്മയാണ്.

മീരാ ജാസ്‍മിൻ നായികയായി വേഷമിട്ടതില്‍ ഒടുവില്‍ എത്തിയത് ക്വീൻ എലിസബത്ത് ആണ്. മീരാ ജാസ്‍മിന്റെ ക്യൂൻ എലിസബത്തിന്റെ സംവിധാനം എം പത്മകുമാറായിരുന്നു. മീര ജാസ്‍മിൻ ടൈറ്റില്‍ കഥാപാത്രമായ ചിത്രത്തില്‍ നായകനായി എത്തിയത് നരേനും ആണ്. അര്‍ജുൻ ടി സത്യനാണ് തിരക്കഥ.

പ്രസക്തമായ ഒരു സാമൂഹ്യ വിഷയത്തിലുള്ള ചിത്രം ക്വീൻ എലിസബത്ത് ഫാമിലി ഡ്രാമയായി തിയറ്ററുകളില്‍ എത്തിയപ്പോള്‍ അലക്‍സ് എന്ന നായക കഥാപാത്രമായിരുന്നു നരേന്. നരേനും മീരാ ജാസ്‍മിനും ഒപ്പം ചിത്രത്തില്‍ ശ്വേതാ മേനോനും ഒരു പ്രധാന കഥാപാത്രമായപ്പോള്‍ രമേശ് പിഷാരടി, വി കെ പ്രകാശ്, ശ്യാമപ്രസാദ്, ജോണി ആന്റണി, മല്ലികാ സുകുമാരൻ, ജൂഡ് ആന്റണി ജോസഫ്, ആര്യ, ശ്രുതി രജനികാന്ത്, സാനിയ ബാബു, നീനാ കുറുപ്പ്, മഞ്‍ജു പത്രോസ്, വിനീത് വിശ്വം, രഞ്‍ജി കാങ്കോൽ, ചിത്രാ നായർ എന്നിവരും ഉണ്ടായിരുന്നു. ഛായാഗ്രാഹണം ജീത്തു ദാമോദറാണ്. പ്രൊഡക്ഷൻ കൺട്രോളർ ശിഹാബ് വെണ്ണലയുമായ ചിത്രം അച്ചുവിന്റെ അമ്മ’, ‘മിന്നാമിന്നിക്കൂട്ടം’ എന്നിവയ്‍ക്ക് ശേഷം നരേനൊപ്പം മീരാ ജാസ്‍മിൻ എത്തിയതായിരുന്നു.

ജിത്തു പയ്യന്നൂർ മേക്കപ്പും നിര്‍വഹിച്ചു. ചിത്രം ബ്ലൂ മൗണ്ട് പ്രൊഡക്‌ഷൻസിന്റെ ബാനറിൽ ആണ് നിര്‍മിച്ചത്. രഞ്‍ജിത്ത് മണമ്പ്രക്കാട്ടിനും ശ്രീറാം മണമ്പ്രക്കാട്ടിനുമൊപ്പം സംവിധായകൻ എം പത്മകുമാറും നിര്‍മാണത്തില്‍ പങ്കാളിയായപ്പോള്‍ ചിത്രത്തിന്റെ ലൊക്കേഷൻ കുട്ടിക്കാനം, കൊച്ചി, കോയമ്പത്തൂർ തുടങ്ങിയ സ്ഥലങ്ങളിലായിരുന്നു. വീണ്ടും മലയാളത്തില്‍ മീര സജീവമായി സിനിമകള്‍ ചെയ്യുകയുമാണ്.