‘ഇനി മുതൽ ബിജെപി അംഗം’ – വിജേന്ദർ സിങ്;  തെരഞ്ഞെടുപ്പിനു തൊട്ടുമുൻപ് കോൺഗ്രസ്സിനു മറ്റൊരു തിരിച്ചടി

ഡൽഹി: ലോക്സഭാ തെര‍ഞ്ഞെടുപ്പ് പടിവാതിൽക്കൽ നിൽക്കെ കോൺ​ഗ്രസ് പാർട്ടിക്ക് മറ്റൊരു തിരിച്ചടി. ബോക്സർ വിജേന്ദർ സിങ് കോൺ​ഗ്രസ് വിട്ട് ബിജെപിയിൽ ചേർന്നു. ഡൽഹിയിൽ നടന്ന ചടങ്ങിലാണ് വിജേന്ദർ ബിജെപി അം​ഗത്വം സ്വീകരിച്ചത്. 2019ലാണ് വിജേന്ദർ കോൺ​ഗ്രസിൽ ചേർന്നത്. കഴിഞ്ഞ ലോക്സഭാ തെര‍ഞ്ഞെടുപ്പിൽ സൗത്ത് ഡൽഹിയിൽ കോൺ​ഗ്രസിനായി മത്സരിച്ചെങ്കിലും ബിജെപിയുടെ രമേഷ് ബിധൂരിയോട് പരാജയപ്പെട്ടു.

കാ​ർ​ഷി​ക നി​യ​മ​ങ്ങ​ൾ​ക്കെ​തി​രാ​യ പ്ര​തി​ഷേ​ധ​ങ്ങ​ൾ​ക്ക് ഐ​ക്യ​ദാ​ർ​ഢ്യം പ്ര​ക​ടി​പ്പി​ച്ച് ശ്രദ്ധേയനായിരുന്നു വിജേന്ദർ. അന്ന് കേന്ദ്രത്തിനെതിരെയും ബിജെപിക്കെതിരെയും ശക്തമായ നിലപാടാണ് താരം സ്വീകരിച്ചത്. കാ​ർ​ഷി​ക നി​യ​മ​ങ്ങ​ൾ പി​ൻ​വ​ലി​ച്ചി​ല്ലെ​ങ്കി​ൽ ത​നി​ക്ക് ല​ഭി​ച്ച പ​ര​മോ​ന്ന​ത പു​ര​സ്കാ​രം ഖേ​ൽ​ര​ത്ന തി​രി​ച്ചു ന​ൽ​കു​മെ​ന്നും വി​ജേ​ന്ദ​ർ പ​റ​ഞ്ഞിരുന്നു.

സിംഗു അതിര്‍ത്തിയില്‍ നേരിട്ട് എത്തി വി​ജേ​ന്ദ​ർ സിം​ഗ് കർഷകരുടെ സമരത്തിന് ഐക്യദാര്‍ഢ്യവും പ്രഖ്യാപിച്ചു. വിജേന്ദറിന്റെ പെ‌ട്ടെന്നുള്ള മനംമാറ്റത്തിൽ കോൺ​ഗ്രസ് നേതൃത്വം ഞെട്ടലിലാണ്.