ഉറാനിൽ കോൺക്രീറ്റ് പാലം തകർന്ന് യുവാക്കൾക്ക് ദാരുണാന്ത്യം

ഉറാനിൽ കോൺക്രീറ്റ് പാലം തകർന്ന് യുവാക്കൾക്ക് ദാരുണാന്ത്യം. അപകടത്തിൽ രണ്ട് പേർ മരിക്കുകയും 4 പേർക്ക് പരിക്കേൽക്കുകയും ചെയ്തു.പരിക്കേറ്റ നാലുപേരും സ്വകാര്യ ആശുപത്രിയിൽ ചികിത്സയിലാണ്. ഇതിൽ രണ്ട് പേരുടെ നില അതീവഗുരുതരമാണ്. മത്സ്യബന്ധന തൊഴിലാളികളാണ് അപകടത്തിൽപ്പെട്ടത്.

അതേസമയം ട്രാക്കിൽ നിന്ന പോത്തിനെയിടിച്ച് ഊട്ടിയിലെ പൈതൃക ട്രെയിൻ പാളംതെറ്റി. മേട്ടുപ്പാളയത്ത് നിന്ന് പുറപ്പെട്ട ട്രെയിനാണ് പാളം തെറ്റിയത്. ട്രെയിൻ തട്ടിയ പോത്ത് ചത്തു. നീലഗിരി മൗണ്ടേൻ റെയിൽവേയിലാണ് സംഭവം.

ഊട്ടി റെയിൽവേ സ്‌റ്റേഷന് ഒരു കിലോമീറ്റർ മുമ്പായിരുന്നു സംഭവം. ട്രെയിനിൽ 220-യാത്രക്കാരുണ്ടായിരുന്നു. എന്നാൽ ആർക്കും പരിക്കേറ്റിട്ടില്ലെന്ന് റെയിൽവേ അറിയിച്ചു. ഊട്ടിയിലേക്ക് എത്തുന്നതിന് മുമ്പായി ഫെർൺഹില്ലിന് സമീപമാണ് പോത്ത് വട്ടം ചാടിയത്.