നടപ്പ്‌ പദ്ധതികൾക്ക് പാരിസ്ഥിതികാനുമതി നൽകുന്നത് സംബന്ധിച്ച കേന്ദ്ര വിജ്ഞാപനം ചോദ്യംചെയ്യുന്ന ഹർജിയിൽ നോട്ടീസയച്ച് സുപ്രീംകോടതി

നടന്നുകൊണ്ടിരിക്കുന്ന പദ്ധതികൾക്കും മുൻകാലപ്രാബല്യത്തോടെ പാരിസ്ഥിതികാനുമതി നൽകുന്നത് സംബന്ധിച്ച 2017-ലെ കേന്ദ്ര വിജ്ഞാപനം ചോദ്യംചെയ്യുന്ന ഹർജിയിൽ സുപ്രീംകോടതി നോട്ടീസയച്ചു. കേന്ദ്ര വനം-പരിസ്ഥിതി മന്ത്രാലയത്തിന്റെ 2017 മാർച്ച് 14-ന്റെ ഉത്തരവ് ചോദ്യംചെയ്ത് വൺ എർത്ത് വൺ ലൈഫ് എന്ന സംഘടന നൽകിയ ഹർജിയിലാണ് ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ച് സർക്കാരിന്റെ നടപടി.