മുസ്ലീം ലീഗ് സ്ഥാനാർത്ഥി നിർണ൦ : നേതൃയോഗം നാളെ ചേരും

മുസ്ലീം ലീഗ് സ്ഥാനാർത്ഥി നിർണയത്തിൽ അന്തിമ തീരുമാനം എടുക്കാൻ നേതൃയോഗം നാളെ ചേരും. സാദിഖലി ശിഹാബ് തങ്ങളെ നേതാക്കൾ പാണക്കാട് എത്തി കോൺഗ്രസ്,ലീഗ് ഉഭയകക്ഷി ചർച്ചയുടെ വിശദാംശങ്ങൾ ധരിപ്പിച്ചു. യൂത്ത് ലീഗും ഇതിനിടെ സീറ്റ് ആവശ്യപ്പെട്ട് രംഗത്തെത്തി.

നേരത്തെ ഉണ്ടായിരുന്ന ധാരണ സിറ്റിങ് എംപിമാർ പൊന്നാനിയിലും മലപ്പുറത്തും മത്സരിക്കുക എന്നതായിരുന്നു. എങ്കിലും പുതുമുഖത്തെ രാജ്യസഭ സീറ്റ് ലഭിക്കുമെന്ന പ്രതീക്ഷയുള്ളതിനാൽ ഇറക്കണോയെന്നതാണ് പാർട്ടിയിൽ നിലവിലെ ആലോചന.

സ്ഥാനാർത്ഥികളെ സംബന്ധിച്ച് ധാരണ നാളെ നടക്കുന്ന നിർണായക നേതൃയോഗത്തിൽ ഉണ്ടാകും.
പാണക്കാട് നേരിട്ടെത്തി പി.കെ.കുഞ്ഞാലിക്കുട്ടി, ഇടി മുഹമ്മദ് ബഷീർ എന്നിവർസാദിഖലി തങ്ങളുമായി കൂടിക്കാഴ്ച നടത്തി. സിറ്റിങ് സീറ്റ് ഉഭയകക്ഷി ചർച്ചയിലെ തീരുമാനത്തിൽ പൂർണതൃപ്തിയില്ലെങ്കിലും വിട്ടുനൽകാനാവില്ലെന്ന കോൺഗ്രസ് നിലപാട് അംഗീകരിക്കുകയാണ് മുസ്ലീം ലീഗ്.