വടകരയിൽ കെകെ ശൈലജയെ സ്ഥാനാർത്ഥിയാക്കിയതിന് പിന്നിൽ സിപിഎമ്മിൻ്റെ വികല തന്ത്രമാണെന്ന് എംഎൽഎ കെകെ രമ

വടകരയിൽ കെകെ ശൈലജയെ സ്ഥാനാർത്ഥിയാക്കിയതിന് പിന്നിൽ സിപിഎമ്മിൻ്റെ വികല തന്ത്രമാണെന്ന് എംഎൽഎ കെകെ രമ. പാർട്ടിക്കുള്ളിൽ വർധിച്ചുവരുന്ന ജനകീയ സ്വാധീനത്തെ അടിച്ചമർത്താനുള്ള പിണറായി വിജയൻ്റെ പ്രവർത്തനരീതിയാണ് ഇതെന്ന് ഒരു മാധ്യമത്തിന് നൽകിയ അഭിമുഖത്തിൽ രമ പറഞ്ഞു.

ഈ തെരഞ്ഞെടുപ്പിൽ മത്സരിച്ചാൽ ശൈലജ ഒരു ബലിയാടായി മാറുമെന്നും രമ പറഞ്ഞു.പാർട്ടിക്കുള്ളിലെ ഓരോ പിണറായി വിമർശകരെയും ഇല്ലാതാക്കാനുള്ള നീക്കമാണിത്. ശൈലജ ടീച്ചർ സംസ്ഥാനത്തെ ഭാവി വനിതാ മുഖ്യമന്ത്രിയായാണ് വിശേഷിപ്പിക്കപ്പെടുന്നത്. അതുകൊണ്ട് പിണറായി വിജയൻ തൻ്റെ സ്വാധീനം വെട്ടിച്ചുരുക്കുന്നതാണ് ഉചിതം. ഇതോടെയാണ് വടകര മണ്ഡലത്തിലെ സ്ഥാനാർത്ഥിയായി അവരെ പാർട്ടി തീരുമാനിക്കുന്നത്. അവർ ഒരു ബലിയാടായി തീരും.” രമ പറഞ്ഞു. ടി.പി. ചന്ദ്രശേഖരൻ വധക്കേസിൽ ഷൈലജ ടീച്ചറോട് അഭിപ്രായം ചോദിക്കാനും രമ ആവശ്യപ്പെട്ടു. വടകരയിൽ മത്സരിക്കാൻ തയ്യാറെടുക്കുകയാണെങ്കിൽ കൊലപാതകത്തെ അപലപിക്കാൻ ധൈര്യം കാണിക്കണമെന്നും രമ പറഞ്ഞു.