യുക്രെയിനിലെ റഷ്യൻ അധിനിവേശം; ഇറാനെതിരെ യു.എസ് ഉടൻ പുതിയ ഉപരോധം ഏർപ്പെടുത്തുമെന്ന് വൈ​റ്റ് ഹൗസ്

യുക്രെയിനിലെ റഷ്യയുടെ അധിനിവേശത്തെ പിന്തുണക്കുന്ന ഇറാനെതിരെ യു.എസ് ഉടൻ പുതിയ ഉപരോധം ഏർപ്പെടുത്തുമെന്ന് വൈ​റ്റ് ഹൗസ് അറിയിച്ചു. ഇറാൻ റഷ്യക്ക് ബാലിസ്​റ്റിക് മിസൈലുകൾ വി​ൽക്കാൻ ഒരുങ്ങുന്നെന്ന റിപ്പോർട്ടുകൾക്കിടെയാണ് യു.എസിന്റെ നീക്കം.

ഇറാന്റെ പിന്തുണയ്ക്ക് പകരമായി റഷ്യ പ്രതിരോധ സഹകരണം വാഗ്ദ്ധാനം ചെയ്യുന്നെന്നും ഇറാൻ റഷ്യയിൽ നിന്ന് ബില്യൺ കണക്കിന് ഡോളറിന്റെ സൈനിക ഉപകരണങ്ങൾ ആവശ്യപ്പെടുന്നുണ്ടെന്നും യു.എസ് ദേശീയ സുരക്ഷാ കൗൺസിൽ വക്താവ് ജോൺ കിർബി പറഞ്ഞു.