വിഷ്ണുലോകം ഉണ്ടായതും അതിന് പിന്നിലെ വഴക്കും : പഴയ ഓർമകൾ പങ്കുവച്ച് കമൽ

പ്രേക്ഷകർ അറിയാത്ത ഒരുപാട് കഥകൾ ഓരോ സിനിമയുടെ പിന്നിലുമുണ്ട്. ഇത്തരം രസകരമായ പല സംഭവങ്ങളും പിന്നീട് സ്വന്തം ക്രൂ അംഗങ്ങൾ വെളിപ്പെടുത്തും. അതുപോലൊരെണ്ണം സംവിധായകൻ കമലിന് പങ്കുവെക്കാനുണ്ട്.

“ഡബ്ബിംഗ് കഴിഞ്ഞ് ഒരു ദിവസം ഹോട്ടൽ മുറിയിൽ കിടന്നുറങ്ങുമ്പോൾ ഒരു കോൾ വന്നു. ഏകദേശം 12.30 ആയിക്കാണും. ഫോണിൻ്റെ മറുവശത്തുള്ള ശബ്ദം മോഹൻലാലിൻ്റേതാണ്. ഞങ്ങൾ ഇവിടെ വുഡ്‌ലാൻഡിലുണ്ട്, ഇങ്ങോട്ട് വരാമോ എന്ന് ലാൽ ചോദിച്ചു.ഞാൻ അങ്ങോട്ട് ചെന്നു.മുറിയുടെ വാതിൽ തുറന്നത് സുരേഷ് കുമാറാണ്, എന്തോ പന്തികേട് ഉണ്ടെന്ന് എനിക്ക് തോന്നി.സുരേഷിൻ്റെ മുഖം ചുവന്ന് ദേഷ്യത്തിലാണ്.ലാൽ കട്ടിലിൽ കിടക്കുന്നു. . പ്രിയദർശൻ, നടൻ മുരളി, ലാലിൻ്റെ സുഹൃത്ത് സനൽ കുമാർ, ടി.എ. റസാഖ് എന്നിവർ അവിടെയുണ്ട്. അവിടെ എന്തോ സംഭവിച്ചതിൻ്റെ സൂചനയുണ്ട്. രേവതി കലാമന്ദിര് എന്ന പേരിൽ സുരേഷും സനലും ഒന്നിച്ച് സിനിമ ചെയ്യുകയായിരുന്നു. ചില സംസാരങ്ങൾ നടന്നിട്ടുണ്ടെന്ന് വ്യക്തമാണ്”.” സുരേഷ് കുമാറിന് വേണ്ടി അടിയന്തരമായി ഒരു സിനിമ ചെയ്യാമോ എന്ന് ലാൽ എന്നോട് ചോദിച്ചു.ഞാൻ അത്ഭുതപ്പെട്ടു.അദ്ദേഹവും സുരേഷും തമ്മിൽ വലിയ വഴക്കായിരുന്നുവെന്ന് ലാൽ പറഞ്ഞു.മോഹൻലാൽ സുരേഷിന് വേണ്ടി ഒരു സിനിമ ചെയ്തിട്ട് നാളുകളായി.അവർ കളിക്കൂട്ടുകാരാണ്. ഏറെ നേരത്തെ വഴക്കിന് ശേഷം എന്നെ സംവിധായകനാക്കി ഒരു സിനിമ ചെയ്യാൻ അവർ തീരുമാനിച്ചു. അതിന് ശേഷം ആലോചിച്ച പ്രൊജക്റ്റാണ് വിഷ്ണുലോകം,” കമൽ പറഞ്ഞു.