കോടികളുടെ തട്ടിപ്പ്; ദീർഘദൂരവണ്ടികളിലെ ശുചീകരണം മുടങ്ങുന്നു

വണ്ടി സ്റ്റേഷനിൽനിന്ന് പുറപ്പെട്ട് ലക്ഷ്യസ്ഥാനത്തെത്തുന്നതുവരെ ശുചീകരണം നടത്തുകയെന്നതായിരുന്നു സ്വച്ഛ് ഭാരത് മിഷന്റെ ഭാഗമായി ആരംഭിച്ച പദ്ധതിയിലൂടെ ഉദ്ദേശിച്ചിരുന്നത്. നിലവിൽ വന്ദേഭാരത്, രാജധാനി, തേജസ്, ശതാബ്ദി തുടങ്ങിയ വണ്ടികൾ ഉൾപ്പെടെ 24 എണ്ണത്തിൽ മാത്രമാണ് ശുചീകരണം നടത്തുന്നത്.

2016-ൽ സ്വച്ഛ് ഭാരത് മിഷന്റെ ഭാഗമായി 110 തീവണ്ടികളിലാരംഭിച്ച പദ്ധതി ലോക്ഡൗൺ പ്രഖ്യാപിക്കുന്നതുവരെ തുടർന്നിരുന്നു. കോവിഡിനുശേഷം വീണ്ടും സർവീസ് തുടങ്ങിയപ്പോൾ ശുചിത്വപരിപാലനമില്ലാതായി. ഇപ്പോൾ ശതാബ്ദിയിലും തേജസിലും കൃത്യമായി ശുചീകരണം നടക്കുന്നില്ലെന്ന് യാത്രക്കാർ പരാതിപ്പെടുന്നു.