വിവാഹ ചടങ്ങിനിടെ തേനീച്ച ആക്രമണം; നിരവധി പേർക്ക് പരിക്ക്

വിവാഹ ചടങ്ങിനിടെ തേനീച്ച ആക്രമണം. മദ്ധ്യപ്രദേശിലെ ഗുണ ജില്ലയിലാണ് സംഭവം. വിവാഹം നടന്ന കസ്തൂരി ഗാർഡൻ ഹോട്ടലിന്റെ മേൽകൂരയിലുള്ള തേനീച്ച കൂട്ടിൽ നിന്നാണ് ആക്രമണമുണ്ടായത്. ആക്രമണത്തിൽ ചിലർക്ക് ഗുരുതരമായി പരിക്കേറ്റിട്ടുണ്ട്.

പ്രാദേശിക അധികാരികളും അത്യാഹിത ആരോ​ഗ്യ വിഭാ​ഗവും സ്ഥലത്തെത്തി പ്രാഥമിക ചികിത്സ ആരംഭിച്ചു. പരിക്കേറ്റവർക്ക് അടിയന്തര ശുശ്രൂഷ നൽകാൻ മെഡിക്കൽ സംഘങ്ങളും പ്രദേശത്തെത്തി. ഗുരുതരമായി പരിക്കേറ്റ വ്യക്തികളെ ഉടൻ തന്നെ കൂടുതൽ ചികിത്സയ്‌ക്കായി തീവ്രപരിചരണ വിഭാഗത്തിൽ പ്രവേശിപ്പിച്ചു.