ഡൽഹിയിൽ ചരക്കുതീവണ്ടി പാളംതെറ്റിയുണ്ടായ അപകടത്തിൽ ഒരാൾ മരിച്ചു

രാജ്യതലസ്ഥാനത്ത് ചരക്കുതീവണ്ടി പാളംതെറ്റിയുണ്ടായ അപകടത്തിൽ ഒരാൾ മരിച്ചു. സാരായ് റൊഹില്ല റെയിൽവേസ്റ്റേഷനുസമീപം ശനിയാഴ്ച രാവിലെയായിരുന്നു അപകടം. മാലിന്യം ശേഖരിക്കാൻ റെയിൽവേ കരാറടിസ്ഥാനത്തിൽ നിയോഗിച്ചിരുന്ന ജീവനക്കാരൻ റഫീഖാണ് (70) മരിച്ചത്. മറ്റുമൂന്നുപേരും കൂടെയുണ്ടായിരുന്നെങ്കിലും അവർ സുരക്ഷിതരാണെന്ന് അധികൃതർ അറിയിച്ചു.