റായ്ബറേലി ലോക്‌സഭാ സീറ്റ് ഗാന്ധി കുടുംബത്തിനുതന്നെയെന്ന് അജയ് റായ്

2004 മുതൽ കോൺഗ്രസ് നേതാവ് സോണിയാ ഗാന്ധിയാണ് മണ്ഡലത്തെ പ്രതിനിധാനംചെയ്യുന്നത്. എന്നാൽ, ആരോഗ്യപരവും വ്യക്തിപരവുമായ കാരണങ്ങളാൽ റായ്ബറേലിയിൽ മത്സരിക്കില്ലെന്ന് കഴിഞ്ഞദിവസം സോണിയ വ്യക്തമാക്കി‌. രാജസ്ഥാനിൽനിന്ന് രാജ്യസഭയിലേക്ക് പത്രികയും നൽകി. റായ്ബറേലിയിൽ പ്രിയങ്കാ ഗാന്ധി മത്സരിക്കുമെന്ന അഭ്യൂഹവുമുയരുന്നുണ്ട്. മണ്ഡലത്തിൽ ആര്‌ മത്സരിക്കുമെന്നത് ഗാന്ധി കുടുംബംതന്നെ തീരുമാനിക്കുമെന്നും അജയ് റായ് വ്യക്തമാക്കി.