താളവാദ്യത്തിൻ്റെ ശബ്ദം കുറവ് : ‘ക്ഷേത്രത്തിലെ ജീവനക്കാരനെ ആക്രമിച്ചു

താളവാദ്യത്തിൻ്റെ ശബ്ദം കുറവാണെന്ന് ആരോപിച്ച് ക്ഷേത്രത്തിലെ ജീവനക്കാരനെ ഒരാൾ ക്രൂരമായി മർദ്ദിച്ചു. ചവറ തേവലക്കര മേജർ ദേവീക്ഷേത്രത്തിലെ ജീവനക്കാരനായ വേണുഗോപാലിനാണ് മർദനമേറ്റത്. ക്ഷേത്രത്തിലെ ശീവേലി ചടങ്ങിൽ പങ്കെടുക്കാനെത്തിയ പ്രതി പഞ്ചവാദ്യത്തിൻ്റെ ശബ്ദം ശരിയായില്ലെന്ന് ആരോപിച്ച് ആക്രമിക്കുകയായിരുന്നു. ബുധനാഴ്ചയാണ് സംഭവം. ക്ഷേത്രത്തിലെ താത്കാലിക ജീവനക്കാരനാണ് വേണുഗോപാൽ.

“എന്നെ തടഞ്ഞു നിർത്തി ‘പഞ്ചവാദ്യം’ നിർത്തിയ ശേഷമാണ് ആക്രമണം. താളവാദ്യം കൂടുതൽ ഉച്ചത്തിലാകണമെന്നും ഇനി ഇവിടെ പണിയെടുക്കരുതെന്നും പറഞ്ഞാണ് പ്രതി മർദിച്ചതെന്ന് വേണുഗോപാൽ മാധ്യമങ്ങളോട് പറഞ്ഞു. മദ്യലഹരിയിലായിരുന്ന പ്രതി തൂവാലയ്ക്കുള്ളിൽ കല്ല് ഇട്ട് മർദിക്കുകയായിരുന്നു. . സംഭവം കണ്ട മറ്റ് ക്ഷേത്രജീവനക്കാരാണ് വേണുഗോപാലിനെ രക്ഷിച്ചത്. അപ്പോഴേക്കും പ്രതി ഓടി രക്ഷപ്പെട്ടു. ദേവസ്വം ബോർഡിൻ്റെ പരാതിയിൽ തെക്കുംഭാഗം പോലീസ് കേസെടുത്തു. പ്രതികൾക്കെതിരെ വിവിധ വകുപ്പുകൾ പ്രകാരം പൊലീസ് കേസെടുത്തു. ഒളിവിൽ കഴിയുന്ന പ്രതിക്കായുള്ള അന്വേഷണം പുരോഗമിക്കുകയാണെന്ന് പോലീസ് അറിയിച്ചു.അതേ സമയം പ്രതി ക്ഷേത്ര ഉപദേശക സമിതി മുൻ സെക്രട്ടറിയാണെന്നും ആരോപണമുണ്ട്. അക്രമിയെ ഇതുവരെ പിടികൂടാത്തതിനു പിന്നിൽ ഗൂഢാലോചനയുണ്ടെന്നും വിമർശനമുണ്ട്.