പാലക്കാട് ജില്ലയിലെ കണ്ണാടിയിൽ നാല് കോൺഗ്രസ് പ്രവർത്തകർക്ക് വെട്ടേറ്റു

പാലക്കാട് ജില്ലയിൽ നാല് കോൺഗ്രസ് പ്രവർത്തകർക്ക് വെട്ടേറ്റു. പാലക്കാട് കണ്ണാടിയിൽ ആണ് സംഭവം. ആക്രമണം ഉണ്ടായത് ഇന്ന് രാവിലെ 10.30 മണിയോടെയാണ് .

വെട്ടേറ്റത് കോൺഗ്രസ് പ്രവർത്തകരായ റെനിൽ (40), വിനീഷ് (43), സുഹൃത്തുക്കളായ അമൽ (25), സുജിത്ത് (33) എന്നിവർക്കാർക്കാണ് . കോൺഗ്രസ് മുൻ പഞ്ചയത്തംഗങ്ങളാണ് പരിക്കേറ്റ വിനീഷും, റെനിലും.

ആക്രമണം നടത്തിയത് അഞ്ചംഗ സംഘമാണ് .ആക്രമണത്തിലേക്ക് നയിച്ചത് സാമ്പത്തിക ഇടപാടുമായി ബന്ധപ്പെട്ട തർക്കമാണ് എന്നാണ് പൊലീസ് പറയുന്നത്. പാലക്കാട്ടെ സ്വകാര്യ ആശുപത്രിയിൽ പരുക്കേറ്റ നാല് പേരെയും പ്രവേശിപ്പിച്ചു.