വാക്ക് തർക്കത്തെ തുടർന്ന് തൃശൂരിൽ യുവാവ് ബാറിൽ കുത്തേറ്റു മരിച്ചു

വാക്ക് തർക്കത്തെ തുടർന്ന് തൃശൂരിൽ യുവാവ് ബാറിൽ കുത്തേറ്റു മരിച്ചു. ഏങ്ങണ്ടിയൂർ അഞ്ചാംകല്ല് സ്വദേശി മിഥുൻ എന്ന യുവാവാണ് ഞായറാഴ്ച രാവിലെ കുത്തേറ്റു മരണത്തിന് കീഴടങ്ങിയത്. തൃശൂർ അശ്വനി ആശുപത്രിയിൽ ചികിത്സയിലായിരുന്ന മോഹനൻ്റെ മകൻ മിഥുൻ (28) ശനിയാഴ്ച രാത്രി കുത്തേറ്റിരുന്നു.

മിഥുനെ ബാറിൽ വച്ചുണ്ടായ തർക്കത്തിനിടെ ഓട്ടോറിക്ഷയിലെത്തിയ സംഘം കുത്തുകയായിരുന്നുവെന്നാണ് റിപ്പോർട്ട്. സംഭവത്തിൽ ഉൾപ്പെട്ടവരെന്ന് കരുതുന്ന ഏതാനും പേരെ പോലീസ് ചോദ്യം ചെയ്യുന്നതിനായി കസ്റ്റഡിയിലെടുത്തിട്ടുണ്ട്.