72 ലീറ്റർ മദ്യവുമായി ‘ദമ്പതികളെ’ എക്സൈസ് പിടികൂടി

മാഹിയിൽ നിന്ന് കടത്തിയ 72 ലീറ്റർ മദ്യവുമായി ‘ദമ്പതികളെ’ എക്സൈസ് പിടികൂടി.
കൊടകരയിൽ ഡ്രൈ ഡേകളിലും ഉത്സവ ദിവസങ്ങളിലും വിൽപന നടത്താനിരുന്ന 72 ലിറ്റർ മദ്യം വിവാഹിതരെന്ന് നടിച്ച സ്ത്രീ പുരുഷൻമാരിൽ നിന്ന് വ്യാഴാഴ്ച എക്സൈസ് പിടികൂടി. കോഴിക്കോട് മലാപ്പറമ്പ് പാറപ്പുറത്ത് ഡാനിയേൽ (40), വലിയകത്ത് സാഹിന (42) എന്നിവരാണ് പ്രതികൾ.

മാഹിയിൽ നിന്ന് തൃശ്ശൂരിലേക്ക് ദമ്പതികൾ മദ്യം കടത്തുന്നതായി തൃശൂർ എക്സൈസ് ഡെപ്യൂട്ടി കമ്മീഷണർ സി എം ഷാനവാസിന് രഹസ്യവിവരം ലഭിച്ചു. മാഹിയിൽ നിന്ന് ദമ്പതികൾ സ്ഥിരമായി മദ്യം കടത്തി ജില്ലയിൽ വിൽക്കുന്നതായി അന്വേഷണ സംഘത്തിന് വിവരം ലഭിച്ചതായി എക്സൈസ് വൃത്തങ്ങൾ അറിയിച്ചു. കൊടകരയിൽ നടത്തിയ നിരീക്ഷണത്തിലാണ് പ്രതികൾ പിടിയിലായത്.