സ്വർണക്കടത്ത് കേസ്: നടി രന്യ റാവുവിന്റെ സ്വത്തുക്കള്‍ കണ്ടുകെട്ടി എന്‍ഫോഴ്സ്മെന്റ് ഡയറക്ടറേറ്റ്

ബംഗളൂരു: സ്വർണക്കടത്തുമായി ബന്ധപ്പെട്ട കേസിൽ കന്നട നടി രന്യ റാവുവിന്റെ 34 കോടിയിലധികം രൂപയുടെ സ്വത്തുക്കള്‍ കണ്ടുകെട്ടി എന്‍ഫോഴ്സ്മെന്റ് ഡയറക്ടറേറ്റ്. വിക്ടോറിയ ലേഔട്ടിലെ റെസിഡന്‍ഷ്യല്‍ വീട്, ബംഗളൂരുവിലെ അര്‍ക്കാവതി ലേഔട്ടിലെ റെസിഡന്‍ഷ്യല്‍ പ്ലോട്ട് , തുമകൂരുവിലെ വ്യാവസായിക ഭൂമി, ആനേക്കല്‍ താലൂക്കിലെ കൃഷിഭൂമി എന്നിവയാണ് കള്ളപ്പണം വെളുപ്പിക്കല്‍ നിരോധന നിയമപ്രകാരം താല്‍ക്കാലികമായി കണ്ടുകെട്ടിയത്.

ഈ ആസ്തികള്‍ക്ക് ആകെ 34.12 കോടി രൂപയുടെ ന്യായമായ വിപണി മൂല്യമുണ്ടെന്ന് ഉദ്യോഗസ്ഥര്‍ പറഞ്ഞു. ഇന്ത്യയിലെ വലിയ സ്വര്‍ണ്ണക്കടത്ത് റാക്കറ്റിനെക്കുറിച്ച് സിബിഐയും ഡിആര്‍ഐയും നല്‍കിയ പരാതിയുടെ അടിസ്ഥാനത്തില്‍ റാവുവിന്റെ കേസ് ഉള്‍പ്പെടെ ഫെഡറല്‍ അന്വേഷണ ഏജന്‍സി പിഎംഎല്‍എ കേസ് ഫയല്‍ ചെയ്തിരുന്നു.

മാര്‍ച്ച് മൂന്നിന് ദുബായില്‍ നിന്ന് ബംഗളൂരുവിലെ കെമ്പെഗൗഡ അന്താരാഷ്ട്ര വിമാനത്താവളത്തില്‍ എത്തിയപ്പോഴാണ് ഹര്‍ഷവര്‍ധിനി രന്യ എന്ന റാവു അറസ്റ്റിലായത്. രഹസ്യ വിവരത്തിന്റെ അടിസ്ഥാനത്തില്‍ ഡിആര്‍ഐ ഉദ്യോഗസ്ഥര്‍ ഇവരെ കസ്റ്റഡിയിലെടുക്കുകയും 12.56 കോടി രൂപയിലധികം വിലമതിക്കുന്ന 14.2 കിലോഗ്രാം സ്വര്‍ണ്ണക്കട്ടികള്‍ കണ്ടെടുക്കുകയും ചെയ്തു.

കുറ്റകൃത്യങ്ങളുടെ വരുമാനം സൃഷ്ടിക്കുന്നതിലും കൈവശം വെക്കുന്നതിലും പ്രചരിപ്പിക്കുന്നതിലും നടിയുടെ ‘പങ്കാളിത്തം’ ഇന്‍വോയ്സുകള്‍, കയറ്റുമതി പ്രഖ്യാപനങ്ങള്‍, വിദേശ പണമയക്കല്‍ രേഖകള്‍, റെക്കോര്‍ഡുചെയ്ത ചാറ്റുകള്‍ എന്നിവയുള്‍പ്പെടെയുള്ള അവരുടെ ഡിജിറ്റല്‍ സങ്കേതങ്ങള്‍ എന്നിവ കള്ളക്കടത്ത് സംഘത്തില്‍ അവരുടെ സജീവ പങ്ക് സ്ഥാപിച്ചുവെന്ന് ഉദ്യോഗസ്ഥര്‍ പറഞ്ഞു.