സംസ്ഥാനത്ത് ഇന്ന് സ്വർണവിലയിൽ മാറ്റമില്ല

കൊച്ചി: സംസ്ഥാനത്ത് ഇന്ന് സ്വർണവിലയിൽ മാറ്റമില്ല. 72,560 രൂപയാണ് പവന്റെ വില. ഗ്രാമിന് 9070 രൂപയും. മൂന്നുദിവസത്തിനിടെ ഇടിവിനു ശേഷമാണ് സ്വർണവില മാറ്റമില്ലാതെ തുടരുന്നത്. മുന്നുദിവസം കൊണ്ട് പവന് 1300 രൂപയാണ് കുറഞ്ഞത്. ബുധനാഴ്ച പവന് 200 രൂപയാണ് ഇടിഞ്ഞത്. ചൊവ്വാഴ്ച രണ്ട് ഘട്ടങ്ങളിലായി പവന് 1080 രൂപയും ഇടിഞ്ഞിരുന്നു.

ജൂണ്‍ 13ന് സ്വർണവില റെക്കോഡ് ഉയരങ്ങളിലെത്തിയിരുന്നു. ഏപ്രില്‍ 22ന് രേഖപ്പെടുത്തിയ 74,320 രൂപ എന്ന റെക്കോര്‍ഡ് ആണ് തിരുത്തിയത്. ഇറാൻ-ഇസ്രായേൽ സംഘർഷത്തിൽ അയവ് വന്നതാണ് സ്വർണവിലയെ സ്വാധീനിക്കുന്നത്.