ക്ഷേത്രദർശനത്തിന് വ്യാജടിക്കറ്റുകൾ; ഏജന്റുമാർക്കുമെതിരെ കർശന മുന്നറിയിപ്പുമായി തിരുമല തിരുപ്പതി ദേവസ്ഥാനം

തിരുപ്പതി ക്ഷേത്രദർശനത്തിന് എത്തുന്ന ഭക്തരെ കബളിപ്പിച്ച് പണം തട്ടിയെടുക്കുന്ന വ്യക്തികൾക്കും ഏജന്റുമാർക്കുമെതിരെ കർശന മുന്നറിയിപ്പുമായി തിരുമല തിരുപ്പതി ദേവസ്ഥാനം. ക്ഷേത്രദർശന ടിക്കറ്റുകളും താമസസൗകര്യവും വാഗ്ദാനം ചെയ്താണ് തട്ടിപ്പ് നടത്തുന്നത്. ക്ഷേത്രത്തിലെത്തുന്ന ഭക്തരെ കബളിപ്പിക്കുന്നവർക്കെതിരെ കർശന നിയമനടപടി സ്വീകരിക്കുമെന്ന് ചീഫ് വിജിലൻസ് ആൻഡ് സെക്യൂരിറ്റി ഓഫീസർ മുന്നറിയിപ്പ് നൽകി.