വെങ്ങളം ബൈപ്പാസ് ; അമ്പലപ്പടി-ചെറുകുളം അടിപ്പാതയിൽ വിള്ളലെന്ന് സംശയം

കോഴിക്കോട്: വെങ്ങളം-രാമനാട്ടുകര ബൈപ്പാസിലെ അമ്പലപ്പടി-ചെറുകുളം അടിപ്പാതയിൽ വിള്ളലെന്ന് സംശയം. ഇതെത്തുടര്‍ന്ന് വ്യാഴാഴ്ച രാത്രി 11.30-ഓടെ റോഡില്‍ ഗതാഗത നിയന്ത്രണം ഏർപ്പെടുത്തി.

വാഹനങ്ങള്‍ കടന്നുപോകുന്ന റോഡിന്റെ മധ്യഭാഗത്ത് നിന്ന് വെള്ളം അടിപ്പാതയിലേക്ക് ഒലിച്ചിറങ്ങുന്നതായി നാട്ടുകാരുടെ ശ്രദ്ധയില്‍പ്പെട്ടതിനെത്തുടര്‍ന്ന് പോലീസില്‍ അറിയിക്കുകയായിരുന്നു.

ഇതേ തുടർന്ന് എലത്തൂര്‍ പോലീസ് സ്ഥലത്തെത്തിയാണ് അടിപ്പാതയിലെ വാഹനഗതാഗതം നിയന്ത്രിച്ചത്. വൈകീട്ട് പെയ്ത മഴയിലാണ് അടിപ്പാതയിലേക്ക് വെള്ളം ചോര്‍ന്നിറങ്ങിയത്. പോലീസ് അര്‍ധരാത്രി വൈകിയും സ്ഥലത്ത് ക്യാമ്പ് ചെയ്‌തു.