ജൂനിയർ അഭിഭാഷകയെ ക്രൂരമായി മർദിച്ച് സീനിയർ അഭിഭാഷകൻ

തിരുവനന്തപുരം: തിരുവനന്തപുരത്ത് വഞ്ചിയൂരിൽ ജൂനിയർ അഭിഭാഷകയെ സീനിയർ അഭിഭാഷകൻ ക്രൂരമായി മർദിച്ചതായി ആരോപണം. അഡ്വ. ശ്യാമിലി ജസ്റ്റിനാണ് ക്രൂരമായ മർദ്ദനത്തിനിരയായത്. മർദ്ദനം ഏൽക്കുമ്പോൾ ബാക്കി അഭിഭാഷകർ കണ്ട് നിൽക്കുകയായിരിക്കുന്നുവെന്നും സീനിയർ അഭിഭാഷകനെ ബാർ അസോസിയേഷൻ സംരക്ഷിക്കുകയാണെന്നും ശ്യാമിലി ആരോപിക്കുന്നു.

ബെയ്‌ലിൻ ദാസ് എന്ന സീനിയർ അഭിഭാഷകനാണ് മര്‍ദിച്ചത്. മുഖത്ത് ക്രൂരമായി മര്‍ദിച്ചതിന്‍റെ പാടുകള്‍ കാണാം. കാരണം കൃത്യമായി അറിയില്ല എന്നാണ് അഭിഭാഷക പറയുന്നത്. ബെയിലിന്‍റെ കൂടെ മറ്റൊരു ജൂനിയര്‍ വന്നിട്ടുണ്ടെന്നും അയാള്‍ മുമ്പും ബെയിലിന്‍റെ കൂടെ ജോലി ചെയ്തിട്ടുള്ളതാണ്. അയാള്‍ ശ്യാമിലി ചെയ്യാത്ത ഒരു കാര്യം ബെയിലിനോട് പരാതിയായി ചെന്ന് പറഞ്ഞിരുന്നു. അതിന്‍റെ പേരില്‍ ശ്യാമിലിയെ പുറത്താക്കുമെന്ന് ബെയിലിന്‍ പറഞ്ഞിരുന്നു.

പിന്നീട് ഈ വിഷയത്തില്‍ ബെയിലിന്‍ ശ്യാമിലിയോട് ക്ഷമ ചേദിക്കുകയും ചെയ്തിരുന്നു. തുടര്‍ന്ന് ശ്യാമിലി വീണ്ടും ഓഫീസിലേക്ക് പോകുകയായിരുന്നു. പുതിയതായി വന്ന ജൂനിയറിനോട് തന്‍റെ കാര്യത്തില്‍ ഇടപെടരുതെന്ന് പറയാന്‍ ബെയിലിനോട് ശ്യാമിലി ആവശ്യപ്പെടുകയും ചെയ്തു. അതാണ് ബെയ്ലിനെ പ്രകോപിപ്പിച്ചത്. അതിക്രമത്തെ തുടര്‍ന്ന് ശ്യാമിലി ബാര്‍ അസോസിയേഷനോട് പരാതി പരാതി നല്‍കിയത്.