അടിപൊളി ഫീച്ചറുകൾ; വണ്‍പ്ലസ് നോര്‍ഡ് സിഇ 5 ഉടന്‍ ഇന്ത്യയില്‍ പുറത്തിറങ്ങിയേക്കും

വണ്‍പ്ലസ് നോര്‍ഡ് സിഇ 5 (OnePlus Nord CE 5) മൊബൈല്‍ ഇന്ത്യയില്‍ ഉടന്‍ പുറത്തിറക്കിയേക്കുമെന്ന് റിപ്പോർട്ട്. വണ്‍പ്ലസ് നോര്‍ഡ് സിഇ 5, ബ്യൂറോ ഓഫ് ഇന്ത്യന്‍ സ്റ്റാന്‍ഡേര്‍ഡ്‌സ് (BIS) വെബ്‌സൈറ്റില്‍ പ്രത്യക്ഷപ്പെട്ടു. ഇത് ഇന്ത്യയില്‍ ഉടന്‍ സ്മാര്‍ട്ട്‌ഫോണ്‍ പുറത്തിറങ്ങുമെന്ന സൂചനയാണ് നല്‍കുന്നത്.

അതേസമയം നോര്‍ഡ് സിഇ 5-ന്‍റെ ഡിസൈന്‍ അടക്കമുള്ള ചില ഫീച്ചറുകള്‍ നേരത്തെ പുറത്തുവന്നിരുന്നു. ബ്യൂറോ ഓഫ് ഇന്ത്യന്‍ സ്റ്റാന്‍ഡേര്‍ഡ്‌സ് വെബ്‌സൈറ്റില്‍ CPH2717 എന്ന മോഡല്‍ നമ്പറോടെയാണ് വണ്‍പ്ലസിന്‍റെ പുതിയ ഹാന്‍ഡ്‌സെറ്റ് പ്രത്യക്ഷപ്പെട്ടിരിക്കുന്നത് എന്ന് 91 മൊബൈല്‍സ് റിപ്പോര്‍ട്ട് ചെയ്തു.

വണ്‍പ്ലസ് നോര്‍ഡ് സിഇ 5 മൊബൈല്‍ മെയ് മാസം ലോഞ്ച് ചെയ്യുമെന്ന റിപ്പോര്‍ട്ടുകള്‍ നേരത്തെ പുറത്തുവന്നിരുന്നു. വണ്‍പ്ലസ് നോര്‍ഡ് സിഇ 5 സ്മാര്‍ട്ട്‌ഫോണിന് 120 ഹെര്‍ട്‌സ് റിഫ്രഷ് റേറ്റോടെ 6.7 ഇഞ്ച് ഫുള്‍ എച്ച്‌ഡി+ ഫ്ലാറ്റ് ഓലെഡ് ഡിസ്‌പ്ലെയാണ് പ്രതീക്ഷിക്കുന്നത്. ഡൈമന്‍സിറ്റി 8350 ചിപ്‌സെറ്റ്, 8 ജിബി റാം, 256 ജിബി ഓണ്‍ബോര്‍ഡ് സ്റ്റോറേജ്, കരുത്തുറ്റ 7,100 എംഎഎച്ച് ബാറ്ററി എന്നിവ ഇതിൽ പ്രതീക്ഷിക്കുന്നു.

മുന്‍ഗാമിയായ നോര്‍ഡ് സിഇ 4-ല്‍ നിന്ന് വ്യത്യസ്തമായ ഡിസൈനിലാണ് വണ്‍പ്ലസ് നോര്‍ഡ് സിഇ 5 സ്മാര്‍ട്ട്‌ഫോണ്‍ ഇന്ത്യയിലെത്തുക എന്നും സൂചനയുണ്ട്. എന്നാല്‍ നോര്‍ഡ് സിഇ 5 മൊബൈലിന്‍റെ ഇന്ത്യയിലെ വില സൂചനകള്‍ പുറത്തുവന്നിട്ടില്ല. 2024 ഏപ്രിലായിരുന്നു ഇതിന്‍റെ മുന്‍ മോഡലായ വണ്‍പ്ലസ് നോര്‍ഡ് സിഇ 4 ഇന്ത്യയില്‍ കമ്പനി അവതരിപ്പിച്ചത്.