ആരാധകർ ഹെല്‍മറ്റില്ലാതെ ബൈക്കില്‍ പിന്തുടരരുത്’; അഭ്യര്‍ത്ഥനയുമായി വിജയ്

ചെന്നൈ: ആരാധകരോട് ആത്മാര്‍ത്ഥമായ ഒരു അഭ്യര്‍ത്ഥന നടത്തി നടനും രാഷ്ട്രീയ നേതാവുമായ വിജയ്. ചെന്നൈ വിമാനത്താവളത്തില്‍, കൊടൈക്കനാലില്‍ സിനിമയുടെ ഷൂട്ടിങ്ങിനായി പുറപ്പെടുന്നതിന് തൊട്ട് മുമ്പായിരുന്നു അഭ്യര്‍ത്ഥന. പൊതുവേദികളില്‍ തന്നെ കാണാനെത്തുമ്പോള്‍ അമിതാവേശം കാണിക്കരുതെന്നും അത്തരം പെരുമാറ്റങ്ങള്‍ പരിഭ്രാന്തി സൃഷ്ടിക്കുമെന്നും അദ്ദേഹം പറഞ്ഞു.

‘ഹെല്‍മറ്റ് ഇല്ലാതെ ആരാധകര്‍ തന്നെ ബൈക്കുകളില്‍ പിന്തുടരുന്നത് കാണുമ്പോള്‍ ദുഃഖവും ആശങ്കയുമുണ്ട്. ഇത് അശ്രദ്ധമായ പെരുമാറ്റമാണ്. എല്ലാവരുടേയും പ്രഥമപരിഗണന സുരക്ഷയ്ക്കായിരിക്കണം. ഇത്തരം സാഹചര്യം ഒഴിവാക്കണം’, വിജയ് ആഹ്വാനം ചെയ്തു.