ആശുപത്രിയിലെത്തി സുകുമാരൻ നായരുടെ ആരോ​ഗ്യ വിവരങ്ങളന്വേഷിച്ച് മുഖ്യമന്ത്രി

കോട്ടയം: ആശുപത്രിയിൽ ചികിത്സയിൽ കഴിയുന്ന എൻഎസ്എസ് ജനറൽ സെക്രട്ടറി ജി സുകുമാരൻ നായരെ മുഖ്യമന്ത്രി പിണറായി വിജയൻ സന്ദർശിച്ചു. ചങ്ങനാശ്ശേരി എൻഎസ്എസ് മിഷൻ ആശുപത്രിയിൽ എത്തിയാണ് സുകുമാരൻ നായരെ കണ്ടത്. ശാരീരിക ബുദ്ധിമുട്ടുകളെ തുടർന്നാണ് സുകുമാരൻ നായരെ ആശുപത്രിയിൽ പ്രവേശിപ്പിച്ചത്. കോട്ടയത്തെ പൊതു പരിപാടി കഴിഞ്ഞ് മടങ്ങു വഴിയാണ് മുഖ്യമന്ത്രി സുകുമാരൻ നായരെ കാണാൻ എത്തിയത്.