ഫാമിലി മാൻ 3 നടൻ രോഹിത് ബാസ്ഫോർ വെള്ളച്ചാട്ടത്തിന് സമീപം മരിച്ച നിലയില്‍

‘ദി ഫാമിലി മാൻ 3’ എന്ന പരമ്പരയിലൂടെ പ്രശസ്തനായ നടൻ രോഹിത് ബാസ്ഫോറിനെ ഗുവാഹത്തിക്ക് സമീപമുള്ള ഗർഭംഗ വെള്ളച്ചാട്ടത്തിൽ മരിച്ച നിലയിൽ കണ്ടെത്തി. ഉച്ചക്ക് രണ്ട് മണിയോടെയാണ് സംഭവം നടന്നതെന്ന് റാണി പൊലീസ് പറഞ്ഞു. ഒമ്പത് സഹപ്രവർത്തകർക്കൊപ്പം വിനോദയാത്രക്ക് പോയപ്പോഴാണ് ബസ്ഫോർ വെള്ളച്ചാട്ടത്തിൽ വീണതെന്നാണ് പ്രാഥമിക നിഗമനം.

പ്രാഥമിക അന്വേഷണത്തിൽ ബാസ്ഫോർ അബദ്ധത്തിൽ വെള്ളച്ചാട്ടത്തിൽ വീണതാണെന്നാണ് സൂചന. മൃതദേഹം പോസ്റ്റ്‌മോർട്ടം പരിശോധനക്കായി അയച്ചിട്ടുണ്ട്. സംഭവത്തിൽ ദുരൂഹതയുണ്ടെന്ന് ആരോപിച്ച് കുടുംബം രംഗത്തെത്തിയിട്ടുണ്ട്. ഫോൺ സ്വിച്ച് ഓഫ് ആണെന്നും ബാസ്ഫോറിന് നീന്തൽ അറിയില്ലെന്നും കുടുംബം ആരോപിക്കുന്നു. സംഭവത്തിൽ അന്വേഷണം പുരോഗമിക്കുകയാണ്.