ജപ്പാനെ മറികടന്ന് ലോകത്തിലെ നാലാമത്തെ വലിയ സമ്പദ്‌വ്യവസ്ഥയായി മാറി കാലിഫോർണിയ

ജപ്പാനെ മറികടന്ന് ലോകത്തിലെ നാലാമത്തെ വലിയ സമ്പദ്‌വ്യവസ്ഥയായി മാറിയിരിക്കുകയാണ് അമേരിക്കൻ സംസ്ഥാനമായ കാലിഫോർണിയ.

കാലിഫോർണിയയുടെ വളർച്ച കാണിക്കുന്ന, അന്താരാഷ്ട്ര നാണയ നിധി (IMF), യുഎസ് ബ്യൂറോ ഓഫ് ഇക്കണോമിക് അനാലിസിസ് എന്നിവയിൽ നിന്നുള്ള പുതിയ ഡാറ്റ ഗവർണർ ഗാവിൻ ന്യൂസം ആണ് പുറത്ത് വിട്ടത്. 2024-ൽ കാലിഫോർണിയയുടെ മൊത്ത ആഭ്യന്തര ഉത്പാദനം (ജിഡിപി) 4.10 ട്രില്യൺ ഡോളറിലെത്തിയതോടെയാണ് ജപ്പാന് തങ്ങളുടെ സ്ഥാനം നഷ്ടമായത്. കാലിഫോർണിയ ലോകത്തിനൊപ്പം സഞ്ചരിക്കുക മാത്രമല്ല ചെയ്യുന്നത് , ഞങ്ങൾ വേഗത നിശ്ചയിക്കുകയാണ്, എന്നാണ് ന്യൂസം പ്രതികരിച്ചത്.

അതേസമയം, അമേരിക്കൻ പ്രസിഡന്റ് ഡോണൾഡ് ട്രംപിന്റെ താരിഫുകൾക്കെതിരെ ന്യൂസം രം​ഗത്ത് വരുകയും സംസ്ഥാനത്തിന്റെ സമ്പദ്‌വ്യവസ്ഥയുടെ ഭാവിയെക്കുറിച്ച് ആശങ്ക പ്രകടിപ്പിക്കുകയും ചെയ്ത സാഹചര്യത്തിലാണ് ഈ പുതിയ കണക്കുകൾ കൂടി പുറത്തുവരുന്നത്.

അമേരിക്കയിലെ കാർഷിക ഉൽപ്പാദനത്തിന്റെ ഏറ്റവും വലിയ പങ്ക് കാലിഫോർണിയയിൽ നിന്നാണ്. പ്രമുഖ സാങ്കേതിക നവീകരണവും, ലോകത്തിലെ വിനോദ വ്യവസായത്തിന്റെ പ്രമുഖ കേന്ദ്രവും , ഒപ്പം രാജ്യത്തെ രണ്ട് വലിയ തുറമുഖങ്ങളും കാലിഫോർണിയയിലാണ്. ഒരു പ്രമുഖ ഡെമോക്രാറ്റും 2028 ലെ പ്രസിഡന്റ് സ്ഥാനാർത്ഥിയാകാൻ സാധ്യതയുള്ള വ്യക്തിയുമായ ന്യൂസം, ആഗോള വിപണികളെയും വ്യാപാരത്തെയും തടസ്സപ്പെടുത്തിയ ലെവികൾ ചുമത്താനുള്ള ട്രംപിന്റെ അധികാരത്തെ ചോദ്യം ചെയ്ത് ഒരു കേസ് ഫയൽ ചെയ്തിരുന്നു .

ഉയർന്ന തീരുവകളിൽ 90 ദിവസത്തെ താൽക്കാലിക വിരാമം പ്രഖ്യാപിച്ചതിന് ശേഷം, അമേരിക്കയിലേക്ക് ഇറക്കുമതി ചെയ്യുന്ന എല്ലാ രാജ്യങ്ങൾക്കും ട്രംപ് 10% തീരുവ ഏർപ്പെടുത്തിയിരുന്നു. മെക്സിക്കോയ്ക്കും കാനഡയ്ക്കും 25% ആണ് തീരുവ. പക്ഷെ, ചൈനയ്ക്കുമേലുള്ള ട്രംപിന്റെ നികുതികൾ ലോകത്തിലെ രണ്ടാമത്തെ വലിയ സമ്പദ്‌വ്യവസ്ഥയുമായി ഒരു പൂർണ്ണമായ വ്യാപാര യുദ്ധത്തിലേക്കാണ അമേരിക്കയെ കൊണ്ടെത്തിച്ചത്. എന്നാൽ, അമേരിക്കയിലേക്ക് വരുന്ന ചൈനീസ് ഉൽപ്പന്നങ്ങൾക്ക് 145% വരെ ഇറക്കുമതി തീരുവ ചുമത്തിയ ട്രംപിന് മറുപടിയായി അമേരിക്കൻ ഉൽപ്പന്നങ്ങൾക്ക് 125% നികുതി ചുമത്തി ചൈന തിരിച്ചടിച്ചപ്പോൾ യുദ്ധം കനത്തു.

പുതിയ താരിഫുകൾ കൂടി ട്രംപ് ചേർത്താൽ, ചില ചൈനീസ് ഉൽപ്പന്നങ്ങളുടെ തീരുവ 245% വരെ എത്തും. ഈ സാഹചര്യത്തിലാണ് തന്റെ സംസ്ഥാനത്തിന്റെ സമ്പദ്‌വ്യവസ്ഥയുടെ ഭാവിയെക്കുറിച്ചുള്ള ആശങ്കകൾ ന്യൂസം രേഖപ്പെടുത്തിയത്. ഈ വിജയം ആഘോഷിക്കുമ്പോൾ തന്നെ, നിലവിലെ ഫെഡറൽ ഭരണകൂടത്തിന്റെ വീണ്ടുവിചാരമില്ലാത്ത താരിഫ് നയങ്ങൾ നമ്മുടെ പുരോഗതിക്ക് ഭീഷണിയാണെന്ന് ഞങ്ങൾ തിരിച്ചറിയുന്നു, എന്ന് അദ്ദേഹം പറഞ്ഞു. എന്നാൽ, കാലിഫോർണിയയുടെ സമ്പദ്‌വ്യവസ്ഥ രാഷ്ട്രത്തിന് ശക്തി പകരുന്നു, അത് സംരക്ഷിക്കപ്പെടണമെന്നും, അദ്ദേഹം പറഞ്ഞു.

പുതിയ ഡാറ്റകൾ പ്രകാരം , കാലിഫോർണിയയുടെ ജിഡിപി അമേരിക്കയുടെതിനെക്കാൾ 29.18 ട്രില്യൺ ഡോളറും, ചൈനയെക്കാൾ 18.74 ട്രില്യൺ ഡോളറും, ജർമ്മനിയെക്കാൾ 4.65 ട്രില്യൺ ഡോളറുമാണ്. ഈ രാജ്യങ്ങളെക്കാൾ ഏറ്റവും വേഗത്തിൽ വളരുന്നത് കാലിഫോർണിയയാണെന്നാണ് ഈ കണക്കുകൾ വ്യക്തമാക്കുന്നത്. അതേസമയം, ജനനനിരക്ക് കുറയുകയും, പ്രായമാകുന്നവരുടെ എണ്ണം കൂടുകയും ചെയ്യുന്നത് ജപ്പാന്റെ സമ്പദ്‌വ്യവസ്ഥയെ സമ്മർദ്ദത്തിലാക്കുന്നുണ്ട്. അതായത് അവിടുത്തെ തൊഴിൽ ശക്തി ചുരുങ്ങുകയും സാമൂഹിക പരിചരണ ചെലവുകൾ കുതിച്ചുയരുകയും ചെയ്യുന്നുവെന്ന് അർത്ഥം.

ഈ ആഴ്ച, ജപ്പാന്റെ സാമ്പത്തിക വളർച്ചയെക്കുറിച്ചുള്ള പ്രവചനം ഐ‌എം‌എഫ് വെട്ടിക്കുറച്ചിരുന്നു. ഉയർന്ന താരിഫുകളുടെ ആഘാതം കാരണം കേന്ദ്ര ബാങ്ക് മുമ്പ് പ്രതീക്ഷിച്ചതിലും സാവധാനത്തിലാണ് പലിശ നിരക്കുകൾ ഉയർത്തുകയെന്നും അറിയിച്ചു. അതേസമയം, ഏപ്രിൽ 2 ന് പ്രഖ്യാപിച്ച താരിഫുകളുടെ ഫലവും അനുബന്ധ അനിശ്ചിതത്വവും പണപ്പെരുപ്പത്തിന് മുകളിലുള്ള വേതന വളർച്ചയും ഗാർഹിക വരുമാനം വർദ്ധിപ്പിക്കുന്നതിനൊപ്പം സ്വകാര്യ ഉപഭോഗം ശക്തിപ്പെടുത്തുന്നതിനെ മറികടക്കുന്നു,” എന്ന് വേൾഡ് ഇക്കണോമിക് ഔട്ട്‌ലുക്ക് റിപ്പോർട്ട് പറയുന്നു.