ഐബി ഉദ്യോഗസ്ഥ ആത്മഹത്യ ചെയ്ത സംഭവം: സുകാന്തിനെ സര്‍വീസില്‍ നിന്ന് പിരിച്ചുവിട്ടു

തിരുവനന്തപുരം: വിമാനത്താവളത്തിലെ ഐബി ഉദ്യോഗസ്ഥ ആത്മഹത്യ ചെയ്ത സംഭവത്തില്‍ സഹപ്രവര്‍ത്തകനായ സുകാന്ത് സുരേഷിനെ പിരിച്ചുവിട്ടു. പൊലീസ് റിപ്പോര്‍ട്ടിനെ തുടര്‍ന്നാണ് സുകാന്തിനെ സര്‍വീസില്‍ നിന്ന് പിരിച്ചുവിട്ടത്. കേസിന്റെ കാര്യം സംസ്ഥാന പോലീസ് ഐബിയെ അറിയിച്ചിരുന്നു.

തിരുവനന്തപുരം വിമാനത്താവളത്തിലെ ഇമിഗ്രേഷന്‍ വിഭാഗം ഐബി ഉദ്യോഗസ്ഥ മാര്‍ച്ച് 24-നാണ് ജീവനൊടുക്കിയത്. യുവതിയെ സുകാന്ത് ലൈംഗികമായും സാമ്പത്തികമായും ചൂഷണം ചെയ്തെന്ന് ആരോപിച്ച് കുടുംബം രംഗത്തെത്തിയിരുന്നു. അതേസമയം ഐ.ബി ഉദ്യോഗസ്ഥയുടെ മരണശേഷം ഒളിവില്‍ പോയ സുകാന്ത് സുരേഷിനെ ഇനിയും കണ്ടെത്താനായിട്ടില്ല. പ്രതിയെക്കുറിച്ചു വിവരങ്ങള്‍ ഇല്ലെന്നാണ് പൊലീസ് പറയുന്നത്.