സുരക്ഷ മുഖ്യം; ക്രാഷ് ടെസ്റ്റിൽ തിളങ്ങി ഹോണ്ട എലിവേറ്റർ !

ഹോണ്ട കാർസ് ഇന്ത്യ നിലവിൽ ഇന്ത്യയിൽ നിർമ്മിച്ച എലിവേറ്റ് ഇടത്തരം എസ്‌യുവിയെ ഒന്നിലധികം ആഗോള വിപണികളിലേക്ക് കയറ്റുമതി ചെയ്യുന്നുണ്ട്. ഈ എസ്‌യുവി ജപ്പാനിൽ ഹോണ്ട ഡബ്ല്യുആർവി എന്ന പേരിൽ വിൽക്കുന്നു. ക്രാഷ് ടെസ്റ്റുകളിൽ ഹോണ്ട എലിവേറ്റ് (WR-V) 193.8 പോയിന്റുകളിൽ 176.23 പോയിന്റുകൾ നേടി അഞ്ച് സ്റ്റാർ റേറ്റിംഗ് സ്വന്തമാക്കി.

ഫ്രണ്ടൽ കൊളീഷൻ ടെസ്റ്റിൽ, ഹോണ്ട എലിവേറ്റിന് (WR-V) ഡ്രൈവർ സീറ്റിലും പിൻ സീറ്റിലും അഞ്ച് സ്റ്റാർ റേറ്റിംഗ് ലഭിച്ചു. എസ്‌യുവി കാൽനടയാത്രക്കാർക്ക് നല്ല സംരക്ഷണം നൽകി. തലയുടെ ആഘാതത്തിന് അഞ്ചിൽ നാല് ലെവൽ സ്കോറും കാലിന്റെ ആഘാതത്തിന് അഞ്ചിൽ അഞ്ച് ലെവൽ സ്കോറും നേടി.

ഓട്ടോണമസ് എമർജൻസി ബ്രേക്കിംഗ്, ഓട്ടോമാറ്റിക് എമർജൻസി കോൾ സിസ്റ്റം ടെസ്റ്റുകളിൽ, ഹോണ്ട എസ്‌യുവി വളരെ മികച്ച പ്രകടനം കാഴ്ചവച്ചു. കൂടാതെ പ്രതിരോധം, കൂട്ടിയിടി സുരക്ഷയിൽ, എസ്‌യുവി യഥാക്രമം 85.8 ൽ 82.22 പോയിന്റുകളും 100 ൽ 86.01 പോയിന്റുകളും നേടി 95 ശതമാനം സ്കോർ ചെയ്തു.

ജപ്പാൻ-സ്പെക്ക് മോഡലിന്റെ എല്ലാ ട്രിമ്മുകളിലും ലെയ്ൻ കീപ്പിംഗ് അസിസ്റ്റ് സിസ്റ്റം, അഡാപ്റ്റീവ് ക്രൂയിസ് കൺട്രോൾ, പെഡസ്ട്രിയൻ കൊളീഷൻ മിറ്റിഗേഷൻ സ്റ്റിയറിംഗ് സിസ്റ്റം, റോഡ് ഡിപ്പാർച്ചർ മിറ്റിഗേഷൻ സിസ്റ്റം, പാർക്കിംഗ് സെൻസർ സിസ്റ്റം, ഓട്ടോ ഹൈ ബീം ഹെഡ്‌ലൈറ്റുകൾ തുടങ്ങിയ സുരക്ഷാ സവിശേഷതകൾ വാഗ്ദാനം ചെയ്യുന്ന ഹോണ്ട സെൻസിംഗ് സിസ്റ്റം (ADAS) ഉൾപ്പെടുന്നു.