സ്വർണവിലയുടെ കുതിപ്പ് തുടരുന്നു; പവന് 200 രൂപ കൂടി

സംസ്ഥാനത്ത് റെക്കോർഡ് ഭേദിച്ചുള്ള സ്വർണവിലയുടെ കുതിപ്പ് തുടരുന്നു. ഇന്നലെ ആദ്യമായി 71,000 രൂപ കടന്ന സ്വർണവില ഇന്ന് പവന് 200 രൂപ വർധിച്ച് പുതിയ ഉയരത്തിൽ എത്തിയിരിക്കുകയാണ്. ഇന്ന് 71,560 രൂപയാണ് ഒരു പവൻ സ്വർണത്തിന്റെ വില. ഗ്രാമിന് ആനുപാതികമായി 25 രൂപ കൂടി. 8945 രൂപയാണ് ഒരു ഗ്രാം സ്വർണത്തിന്റെ വില.

ഇന്നലെ 840 രൂപ വർധിച്ചതോടെയാണ് സ്വർണവില ആദ്യമായി 71000 കടന്നത്. കഴിഞ്ഞ ദിവസം ചരിത്രത്തിൽ ആദ്യമായി 70,000 കടന്ന സ്വർണവില പിന്നീടുള്ള രണ്ട് ദിവസം താഴ്ന്നെങ്കിലും വീണ്ടും ശക്തമായി തിരിച്ചുവരികയായിരുന്നു. ശനിയാഴ്ചയാണ് സ്വർണവില ആദ്യമായി 70,000 കടന്നത്. മൂന്ന് ദിവസത്തിനിടെ 1800 രൂപയാണ് വർധിച്ചത്.